- Подробности
- Категория: Алдын ала талдоолор
- Просмотров: 3760
Өткөн жумада Бишкек шаардык сотунун судьялары Курманкул Зулушев менен Медер Сатиевдин иши Соттор кеңешинде каралды. Эске салсак, бул эки судья “Ата-Журт” партиясынын мурунку депутаттарына карата актоо чечимин чыгаргандыгы үчүн айыпталган. Соттор кеңешинин эки судьяны мөөнөтүнөн эрте кызматтан алуу боюнча чечими чыккандан соң, Курманбек Зулушев өздөрүн кайсы берененин негизинде кызматтан алышканы боюнча суроо узатты. Бирок, бул суроого жай аныктама чыгарган Жогорку соттун коллегиясынын төрагасы Жакыпбек Абдырахманов ага жооп бере алган жок. Кызматынан бошотулган судьянын ошондой эле “соңуна чыккан процессти кайра жандандырууга тыюу салган берене барбы?” деген суроосу дагы так жоопсуз кала берди. Бул маселе боюнча коомчулук кандай пикирде?
- Подробности
- Категория: Алдын ала талдоолор
- Просмотров: 6111
Байыркы кыпчактар тууралуу маалыматтар дүйнөлүк даректүү илимий маалыматтарда, айрыкча грек, рим, немис, кытай, араб элдеринин тарыхый даректүү илимий булактарында кеңири кезигет. Грек булактарында «гунндар», рим булактарында «варварлар» (мааниси «чужеземец»), немис, норман булактарында «геттер», парсы булактарында «сактар», орус, поляк ж.б. европа элдеринин булактарында «половецтер» деген аттар менен белгилүү. Улуу Кытай сепилинин пайда болушу тууралуу кытай булактарындагы маалыматтарда да байыркы кыпчактардын Азиядагы бутагы «хунндар» деген ат менен жазылып калтырылган. Байкалып тургандай, «гунндар» илимий булактарда канчалык байыркы жана канчалык улуу эл болуп берилбесин, алар байыркы кыпчактардын болгону кайсы бир мезгилдеги, кайсы бир региондогу бутагы гана болуп калууда. Маселен, кыпчактын «Бөрү-сак» уруусу да гунндардын тарыхынан алда канча нары мезгилден жолугат.
- Подробности
- Категория: Алдын ала талдоолор
- Просмотров: 3558
Кыргызстанда кыргыз тили мамлекеттик тил катары 1989-жылы бекитилген. Алдыда мамлекеттик тил майрамы. Жылына эле бул күнгө карата ар бир мекемеде ар кандай иш-чаралар өткөрүлүп калат. Анын канчалык деңгээлде пайда берип жатканын эч ким айта албайт. Негизи эле аталган мыйзам кабыл алынган күндөн бери эле кыргыз тилин көтөрөбүз деген сөздөр кайра-кайра эле айтылып келатат. Бирок майнап жок.
- Подробности
- Категория: Алдын ала талдоолор
- Просмотров: 2190
«Байлык бир колго топтолсо (б.а паракорго) – эл тарап кетет, ал эми байлык бөлүп берилсе – эл биригет»
Конфуций, байыркы кытай ойчулу
Советтер Союзу өз учурунда дүйнөдөгү эң улуу держава болгонун окуучу жарандар билсе керек, бирок өзүнүн улуулугуна карабай анын туруксуз экендиги бүгүн ашкере болду. Мунун далили катары 1991-жылы СССРдин дүйнөнүн картасынан өчүрүлүшүн алдыга тартсак болот. Суроо туулат: мындай улуу мамлекеттин кыйрашына эмнелер себеп болду?
- Подробности
- Категория: Алдын ала талдоолор
- Просмотров: 8487
"Атамбаев миң адамдын мандатын алса дагы, миң адамды түрмөгө отургузса дагы мамлекетке жарытылуу өзгөрүүлөрдү жасай албаса Атамбаевдин саясий бийлиги, саясий жашоосу көпкө узабайт. Мен муну башынан бери эле айтып келе жатам, дагы да айтам: эгерде ушу бойдон кете турган болсо Атамбаевдин ашып кетсе бир-бир жарым жыл бийлик убактысы калды".- дейт Жогорку Кеңештин депутаты Равшан Жээнбеков.
- Подробности
- Категория: Алдын ала талдоолор
- Просмотров: 8025
Ошентип бир жылга жакын чубактын кунундай чубалган “Ата-Журт” партиясынын үч депутаты – К.Ташиев, С.Жапаров жана Т.Мамытовдордун сот ишине Жогорку сот чекит койду. Соттун чечими менен Биринчи май райондук сотунун чечими күчүндө калтырылып, Бишкек шаардык сотунун чечими жокко чыгарылды же үч депутаттын экөөсү 1,5 жылдан, үчүнчүсү 1 жылга эркинен ажыратылды. Ал эми тергөө учурунда депутаттардын СИЗОдо отурган бир күнү эки күн деп эсептелгендиктен, алардын жаза мөөнөтү аяктап, камакка алынган жок.
- Подробности
- Категория: Алдын ала талдоолор
- Просмотров: 1911
Кылмыш дүйнѳсүнүн атаманы, бир канча кыргыздын кулагын кесип чыркыраткан башкесер Батукаевдин «адвокаты», Кыргызстандын мурдагы акыйкатчысы Турсунбек Акун борттон ары тебилгенден кийин, Акыйкатчы институту аңгырап бош. Бир канча талапкерлер ат салышып, тизме такталып аягына чыкканы турат. Тизмеге тизмектеле каз катар тизилген талапкерлердин арасында анчейин акыйкатчы боло калчулар сейрек.
- Подробности
- Категория: Алдын ала талдоолор
- Просмотров: 8088
Кыргыз элин бириктирүүгө кедерги болуп жаткан дагы бир көрүнүш, бул - кыргыз тилинин бүткүл кыргыз журтчулугун камтый албай, өнүкпөй жаткан абалы болуп калууда.
- Подробности
- Категория: Алдын ала талдоолор
- Просмотров: 2106
Нариман Түлеев 2007-жылдын июлунан 2010-жылдын апрелине чейин Бишкек шаарынын мэри болуп иштеди. Кыргызстандын жаңы тарыхында борбор калааны ондон ашык адам жетектеди, бирок алардын ичинен демилгелүү, көзгө көрүнөрлүк иштери менен Түлеев гана шаардыктардын эсинде калды. Анын дем алышты билбеген, карамагындагылары менен эртең мененки 8ден кечки саат 10го чейин иштеген күжүрмөндүгү жөнүндө мурдагы советтик мезгилден чыккан эски активдер убагында жылуу маанайда жазып, айтып жүрүштү. Бирок анын мына ошондой иштермандыгы, шаардыктардын арасында жетекчи катарында аброюнун бийиктиги, жөндөмдөрү болбосо да борбор калааны биротоло ээлегиси келгендердин, жумушка анда-санда келип, бешимге чейин араң чыдагандардын куйкаларын куруштуруп, ачууларын келтирип, аны элдешкис душмандай куугунтукташып, бир жылдан ашык убакыттан бери түрмөдөн чыгарбай жатышкандыгы өкүндүрөт. Тилекке каршы, бир эмес бир нече адамды өлтүрүп, алардын денелерин мазактагандан да эл үчүн баш-оту менен берилип иштеген инсан бийликтеги айрымдар үчүн коркунучтуу болгон заманда жашап жатканыбыз үчүн арызыбызды Кудайга айтып, чындыкты дагы бир жолу кайталагандан башка эч нерсе кыла албайбыз.
- Подробности
- Категория: Алдын ала талдоолор
- Просмотров: 2968
“Ата-Журттун” камалып чыккан депутаты Талант Мамытов атайын басма сөз жыйынын өткөзүп, Башкы прокуратура менен Жогорку Соттун аракетин айыптап чыккандан кийин берки жээкте “тополоң” башталды. Себеби, үч депутаттан мындай катуу жоопту күтүшкөн эмес.
- Подробности
- Категория: Алдын ала талдоолор
- Просмотров: 2630
2013-жылы жайында стабилдүүлүк жок мезгилде шашылыш жана чукул жүргүзүл-гөн конституциялык реформа өзүн актаган жок. Башкага үлгү болмок түгүл, өз өнүгүүсү токтоп, экономикалык, моралдык-этикалык жана нравалык кризиске кептелген батыштын демократиясын үлгү иретинде кабыл алынган Баш мыйзамга үч жыл өтсө да, анын биздин турмушка жараксыздыгы жалпы элге айдан ачык болду. Бийлик элдин суроо-талабын, көйгөйлөрүн чечпей, ишениминен кетип, көзөмөлсүз ээнбаш болуп коррупцияга батып, мыйзамсыздык, адилетсиздик болуп көрбөгөндөй күчөп, элдин нааразычылыгын пайда кылып толкундоолорду жаратып, аларды митинг, пикет жана ар кандай каршылык акцияларга чыгууга өзү мажбурлоодо. Бирок, эки жолу болуп өткөн төңкөрүштөр бул жолдун жараксыздыгын көрсөттү.
- Подробности
- Категория: Алдын ала талдоолор
- Просмотров: 2840
Сыягы, дүйнөнүн эч кайсы бурчунда эгемендүү мамлекеттин жарандарын башка өлкөнүн жоокерлери кирип келип ит аткандай атып салган окуя болбосо керек. Эгер кокус эле андай окуя болсо чоңбу, кичинеби, армиясы күчтүүбү, күчсүзбү сөзсүз адекваттуу жооп берилет. Себеби ошон үчүн мамлекет деп аталып, эли президентин шайлап, армиясын, куралдуу күчтөрүн багууга, маяна төлөөгө букаралары салык төлөйт.
- Подробности
- Категория: Алдын ала талдоолор
- Просмотров: 3910
Жалал-Абад облусунун Сузак районунун аймагында митингчилер тарабынан Бишкек-Ош жолунун тосулушу элдин айла кеткендеги кадамы болуп саналат. Бул көрүнүш бир күндө же ойлонулбай эле жасалган акция эмес. Чырдын башы өткөн жылдын 3-октябрында “Кумтөр” маселесине байланыштуу “Ата-Журт” фракциясынын депутаттары К.Ташиев, С Жапаров жана Т.Мамытовдун митинг өткөрүп, кылдай күнөөсү үчүн тоодой айып тагылып камакка алынышына барып такалат.
- Подробности
- Категория: Алдын ала талдоолор
- Просмотров: 4354
Бишкек шаардык сотунда “Мамлекеттик бийликти басып алууга аракет” жана “Конституциялык түзүлүштү кулатууга чакырык” беренелеринин алкагында күнөөлөнүп жаткан Жогорку Кеңештин “ата-журтчу” депутаттары Камчыбек Ташиев, Садыр Жапаров, Талант Мамытов, генерал-майор, эксперт Кубатбек Кожоналиев жана үч жансакчынын үстүнөн жүрүп жаткан процесс да акырындап аягына чыга баштады.
- Подробности
- Категория: Алдын ала талдоолор
- Просмотров: 7378
Тилди колдонулбаса жоголот. Эне тил пайдаланылбай турса – өлөт!
- Подробности
- Категория: Алдын ала талдоолор
- Просмотров: 1580
Барпылыктардын “Ата-Журт” мекенчил партиясынын лидери, Жогорку Кеңештин депутаты, саясий туткун Камчыбек Ташиевге эстелик тургузуу демилгеси коомчулукта кызуу талкууга алынууда. Айрымдар: “адамга көзү тирүүсүндө эстелик орнотулбайт”,- десе, көпчүлүк талдоочулар элден чыккан демилгени колдошуп, “азыркылардын арасынан бул урматка татыса бир гана Камчыбек татыйт”,- деп турушкан чак.
- Подробности
- Категория: Алдын ала талдоолор
- Просмотров: 2365
Жаз келгенден бери Мамлекетте бийлик жана коом тараптан ММКлар өзгөчө КТРК аркылуу берүүлөрдү байкасаң истериялар бийлик, коом тараптан күчөгөнү байкалат. Бийлик Атамбаев баш болуп кыйкырыктын күчөгөнү 4-мартта Сотторду реформалоонун жыйынындагы айкырыгы «Как вообще в Кыргызстане можно БЕЗНАКАЗАННО говорить о возможном насильственном захвате власти» ого беш бетер күчөтүп жиберди. Ага коомдо пайда болгон имиштер, марттын башында болуп өткөн митингдер себеп болду окшойт. Президенттин бул айкырыгынын таң калтырганы коркконго кош көрүнгөнсүйт. Эмне себептен Атамбаев ушундай айкырык салат деген суроолорду туудуруп жатат.
- Подробности
- Категория: Алдын ала талдоолор
- Просмотров: 2584
Учурда коомчулуктун бүйүрүн кызытып жаткан “Батукаев операциясы” жогорку деңгээлде даярдалып жаткандыгы мындан туура 1 жыл 2 ай мурда, тагыраагы 2012-жылдын 15-февралында “Кереге” гезитинин башкы редактору Кубаныч Зайнидинов тарабынан айтылган болчу. Президент баш болуп кыргыз гезиттерин “ушакчы” атагандыктан, коомчулуктун да башы айланып, “аа, булар жаза берет турбайбы”,- дегендей бул орчундууу маселеге эч ким ошол убакта башын ооруткусу келген эмес. Жыл айланбай ошол макалада көтөрүлгөн көйгөй турмуш чындыгына айланып олтурат.
- Подробности
- Категория: Алдын ала талдоолор
- Просмотров: 3073
Атамбаев бийлигинин абийири айрандай төгүлүп, эксперттер “жазгы ыңкылаптык маанайдан аман-эсен чыгып алдык”,- деп канчалык кылыктанса да массалык нааразычылык толкуну Бишкекти көздөй жыла баштады. Ансайын бийликтин айласы кетип, эртеңки күнү кандай кадамга бараарына башы жетпей, мурда аракетинен майнап чыкпай жыгылып жүрүшсө, азыр түз жерден эле мүдүрүлчү болуп калышты.
- Подробности
- Категория: Алдын ала талдоолор
- Просмотров: 2121
Кыргызстанда 7-апрель окуясынын үч жылдыгы өзгөчө шаң менен белгиленди. Убактылуу өкмөттүн мүчөлөрү, азыркы бийлик башчылары үтүктү сайсаң да элдин турмушу жакшы жакка өзгөрүп жатканын айтып, жадатканча сайрашты. Бир гана Азимбек Бекназаров эл көп нерсени күткөндүгүн, бирок, тилекке каршы азыркы бийлик анын баарын унутуп, тескери багыт алганын ачык айтып, чындыкты угузду. Чынын айта турган болсок, мактана турган деле көрүнүшкө туш бололекпиз. Атамбаевиң деле Акаев, Бакиевдин кадрларын тегерегине топтоп алгандан башка эмнени кыйратып ийиптир? Же булар телени өз эшегиндей минип алып, кечке мактана берсе эл ишенет дешеби? Азыркы кыргыз эли – Акаев момпосуй менен сооротуп жүрчү 90-жылдардагыдай караңгы калк эмес. Баарын түшүнүп турат.