Укук коргоочу жана жаштардан турган 10 чакты адам бүгүн Бишкекте Сотторду тандоо кеңеши иштеп жаткан “Достук” мейманканасынын алдында митинг өткөрүштү. Катышуучулардын бири Айсулуу Алымбек кызынын “Азаттыкка” айтымында, алар Сотторду тандоо кеңешинин төрагасын кайра шайлоону талап кылышууда.

Митингчилер Сотторду тандоо кеңешинин төрагасы Замирбек Базарбековдун мурда аттестациядан өтпөй калганын, буга чейин сот болуп иштеп турган чакта мыйзамсыз чечимдерди чыгарганын жүйө коюп, сотторду тандоодо ачыктык болбой жатканын белгилешүүдө. Айсулуу Алымбек кызы митинг “Мен ишенбейм” деген ураан менен 3-августта да улантыларын кошумчалады.

Ал эми Базарбеков мындай дооматтарды четке кагып, мурдагы президент Аскар Акаев бийликте турган учурда саясий куугунтукка кабылганын “Азаттыкка” билдирди. Ал укук коргоочулардын учурдагы аракеттерин атайын өзүнө каршы уюштурулган иш-чара деп белгилеп жатат.

Сотторду тандоо кеңеши Жогорку Кеңештин 8-июлдагы кезексиз жыйынында бекитилген. Ага ылайык, бул кеңешке 24 адам кирип, төрага болуп Замирбек Базарбеков шайланган. Бул кеңеш Кыргызстандагы 450дөн ашык судьялардын кызмат ордуна ылайыктуулугун кайра карап чыкмакчы.

Азаттык
 

Борбордук шайлоо комиссиясынан кабарлашкандай, бүгүн БШКга “Антикризис лигасы” коомдук бирикмесинин президенти, Кыргызстан патриоттук партиясынын башкы катчысы Назарбек Нышанов арызын тапшырды.

Президенттик шайлоо быйыл 30-октябрга белгиленген. Талапкерлерди көрсөтүү жараяны 16-августка чейин созулат. Азыркыга чейин президент болуу мүдөсү ачыкталган 30 талапкердин жетөөсүн саясий партиялар көрсөтсө, калган 23ү өзүн өзү көрсөткөндөр.

Азаттык
 

Бишкек – “Саясат.kg”.  КР өзгөчө кырдаалдар министрлигинин басма сөз кызматынын маалыматына караганда ушул жылдын 31-июлунда Ош-Аэропорт унаа жолунда болгон авто-жол кырсыгынан каза тапкан жана жабыркагандардын аты-жөнү такталды.

 
 Каза болгондор:
 
 1. Исаев С. 1966-ж.т. Ош шаарынын тургуну;
 2. Амирбеков А. 1987-ж.т., Баткен облусунун тургуну;
 3. Тойчиева А. 1958-ж.т., Баткен облусунун тургуну;
 4. Тойчиев Д. 1985-ж.т., Баткен облусунун тургуну;
 5. Келдибаев А. 2010-ж.т., Баткен облусунун тургуну, Ош облустук балдар ооруканасында каза болгон.
 
 Жабыркагандар:
 
 1. Мамаев С. 1988-ж.т., Ош шаарынын тургуну. ( “Мерседес-Бенц” автоунаасынын айдоочусу).
 2. Ысабеков Т. 1985-ж.т., Баткен облусунун тургуну;
 3. Көчкөнбаева Т. Баткен облусунун тургуну.

Бишкек – “Саясат.kg”.  КР өзгөчө кырдаалдар министрлигинин басма сөз кызматынын маалыматына караганда 1-августа Бишкек-Ош авто жолунун 267-чакырымында “Дэу-Матиз” ( мам.№.О 09-48 Q) үлгүсүндөгү автоунаа менен БМВ ( мам.№. S 04-44 V) үлгүсүндөгү автоунаа сүзүшкөн. Жол кырсыгы болгон жерге КР ӨКМнин Токтогул шаарынан 5 куткаруучусу келип, авто-жол кырсыгынын кесепетинен 1 адам каза болуп, 7 адам жабыркагандарга биринчи жардам көрсөтүшкөн.

 
 Каза болгон адам:
 
 1. Ботобаева Н. 1929-ж.т. Баткен облусунун Кызыл-Кыя шаарынын тургуну.
 
 Жабыркагандар:
 
 1. Курумбеков М. 1952-ж.т., Ош шаарынын тургуну.( БМВ автоунаасынын айдоочусу).
 2. Курсанали уулу К. 1998-ж.т. Баткен облусунун Кызыл-Кыя шаарынын тургуну;
 3. Курсанали уулу Т 2000-ж.т; Баткен облусунун Кызыл-Кыя шаарынын тургуну;
 4. Курсанали уулу А. 2002-ж.т; Баткен облусунун Кызыл-Кыя шаарынын тургуну;
 5. Токтосунов А. 2010-ж.т; Баткен облусунун Кызыл-Кыя шаарынын тургуну;
 6. Кудайбердиева М. Баткен облусунун Кызыл-Кыя шаарынын тургуну;
 7. Ботбаев К. 1974-ж.т., Баткен облусунун Кызыл-Кыя шаарынын тургуну, ( “Дэу-Матиз” автоунаасынын айдоочусу).
 
 Каза болгон жана жабыркагандар Токтогул районунун аймактык ооруканасына жеткирилген.

Бишкек – “Саясат.kg”.  2-августта эртең мененки саат 9:00 чамасында Ош шаарына газ берүү токтотулду. Анын себеби, Ош-Хаджиабад жаратылыш газын өткөрүүчү магистралынын 54,6 километринде авариялык абал түзүлгөн. Бул тууралуу Ош шаарынын газ чарба башкармалыгынын орун басары Абдыманап Момунов билдирди.

 

Анын айтымында, газ өткөрүү түтүктөрү кызмат кылганына 25 жылдан ашканына байланыштуу мындай авариялык абал акыркы кезде көп учурай турган болду.
 
«Азыр биз ошол калыбына келтирүү үчүн авария болгон жерде турабыз. Калыбына келтирип, кечки саат 5терге чейин жаратылыш газын элге берип калабыз», - деди А.Момунов.

«Фабула» гезитинин 2-августта чыккан санында жазылгандай, эгемендүү Кыргызстандын тарыхында эң алгачкы жолу өтө коркунучтуу кылмышкерлер үчүн өзгөчө абак түзүлдү.

 

Гезитте айтылгандай, өкмөт башчы А.Атамбаевдин жарлыгына ылайык, мурунку СИЗО-50 базасында абактан башы чыкпаган рецидивисттер, адам өмүрүн кылча көрбөгөн ашынган кылмышкерлер бир кармалмай болду.
 
Уюшкан кылмыштуулукка каршы күрөштү катуу баштаган өлкө жетекчилеринин колдоосу аркылуу мурдараак да жалаң уюшкан кылмыштуу топтор менен байланышы бар кылмышкерлер үчүн өзүнчө абак курулган. Ал абактагыларга уюлдук телефон колдонууга, сырткы дүйнө менен байланышууга катуу тыюу салынган, деп жазылган гезитте.
Баракелде

Улуттук коопсуздук кызматынын генерал-майору Артур Медетбеков «Алиби» гезитинин 2-августта чыккан санындагы маегинде УКМКнын ардагери Аскарбек Мамеевдин бысылмалардын бирине А.Медетбеков Жаныш Бакиевди качырганы үчүн миллион доллар алган деген билдирүүсүн комментариялады.

 

«Ал деген Аскарбек Мамеевдин логикага жатпаган жөө жомокторунун бири экендиги баарына эле көрүнүп турат, - дейт Медетбеков. - Эгер КГБда иштеп, өзүн чекист катары эсептесе, анда менин дарегиме мындай жалган жалааны жабардан мурда алдын ала текшерип, изилдеп-иликтеп, кандайдыр бир далилдер менен айтса бир жөн эле. Анан өзүнүн ооруган фантазиясы менен урдура бергендин да чеги болот да, же ал киши айтылган сөздүн атылган октон катуу тийерин билбейби? Андыктан, мен муну жөн койбойм, эгер жашыраак болсо ал менен башкача сүйлөшөт элем, бирок карып калгандыгын сыйлап, мага негизсиз күнөө коюп, ак жерден каралагандыгы үчүн кечээ (1-августта) сотко бердим. Ошол процесс учурунда мындай билдирүүнү кайсы фактылардын негизинде айтып жатканын далилдеп берсин. Эгерде далилдей албай, тилин чайнап кала турган болсо, анда ошол өзү айтып жаткан 1 млн долларды Жаныштан алып келеби, же К.Дүйшөбаевден алып келеби, төлөп берсин. Мен, ал акчаларды өткөн жылы 7-апрелде каза болгон 90 жигиттин үй-бүлөсүнө бөлүп берем».
 
Баракелде

 

Бардык ысымдардын айтыла турган өзүнүн убагы бар. Эгер интрига токтобой, мага карата ушундай мамиле улана бере турган болсо, анда мен дагы президентикке талапкерлигимди коюп-койбоону ойлонуп көрөм, дейт «Алиби» гезитинин 2-августта чыккан санындагы маегинде ЖК төрагасы Акматбек Келдибеков.

 

Анын айтымында, кызмат деген бул колдун кири, бүгүн бар да, эртең жок, өмүр бою кызматта эч ким жүрбөйт. «Демек, эл жүгүн көтөрөм деп мамлекеттик кызматтарды аркалаган адамдар жеке кызыкчылыктарын сандыктарына катып, көшөгө артындагы оюндардан алыс болсо, таза иштешсе мага эмес, өздөрүнө эле жакшы болмок. Кокус эртең кызматтан түшүп калып көчөдө жүрүшсө да, эл алдында жүздөрү жарык болот го. Анан ыплас иштер менен эле алек боло беришсе, эл көргөндө аны менен учурашмак тургай, ашатып сөгүшөт да. Ошондой мамиле кылып жатса, экс-аткаминер үчүн мындан өткөн жаза барбы? Интриганын интригандарга учурунда пайдасы тийиши мүмкүн, бирок келечекте зыяны болбосо, пайдасы тийбейт», - деди Келдибеков.
 
Ал кошумчалагандай, ошондой ыплас иштерге аралашып жаткан аткаминерлердин жеке амбициялары мамлекеттик кызыкчылыктан да бийик болуп баратканы өкүндүрөт. «Ошол интриганын кучагына чырмооктой чырмалып калган аткаминерлер саясатчыларды элге жек көрсөтүүдөн тышкары, президенттик шайлоо жакындаган сайын, айрым массалык маалымат каражаттары аркылуу ачык эле алакандай кыргыз элибизди түндүк-түштүккө бөлө башташты. Алар сокур тыйын, кайдагы бир кызмат үчүн атайы ушул маселенин жарасын тырмап, ырбатышып жатканына тынчсыздангандар көп. Эгер, мамлекет тагдырын ошондой адамдарга талкалатып алсак, анда келечек муун бизди кечирбейт», - дейт спикер.
Баракелде

КР Өзгөчө кырдаалдар министрлигинин басма сөз кызматынын өкүлү Абдишарип Бекиловдун маалыматы боюнча, Баткен облусунун Баткен райадминистрациясынын башчысы Х.Айкынов 2011-жылдын 1-августу күнү Өзгөчө кырдаалдар министрлигинин Баткен облустук башкармалыгына райондун аймагындагы Кыштут, Суу-Башы, Төрт-Гүл, Дара жана Кара-Бак айыл округдарында жер титирөөдөн (20.07.2011-ж.) жабыркаган жарандарды чатырларга жайгаштыруу зарылдыгы пайда болгондугун айтып кайрылган. Жергиликтүү Жарандык коргоо комиссиясынын аныктоосу боюнча 20 үй бүлөө бүгүнкү күндө турак-жайлары жараксыз абалга келгендигин да кошумчалаган.

 

Жогорудагы кат Өзгөчө кырдаалдар министрлигинин Баткен облустук башкармалыгынан министрликке жөнөтүлүп, министр Болотбек Борбиевдин тапшырмасы менен бүгүн башкача айтканда 2011-жылдын 2-августу күнү ӨКМнин Ош шаарындагы Борбордук куткаруу отрядынан Баткен облусунун Баткен районуна жер титирөөдөн турак жайлары жабыркаган жарандар үчүн беш орундуу 20 даана чатырлар жеткирилип берилди.
 
«Баткен райадминистрациясы буга чейин кайрылганда ӨКМ турак жайлары жабыркаган жарандарды өз учурунда эле чатырларга жайгаштырып коймок», - деп кошумчалады А.Бекилов.
Баракелде

Жогорку Кеңештин төрагасы Акматбек Келдибеков «Алиби» гезитинин 2-августта чыккан санындагы маегинде билдиргендей, ЖКнын бардык депутаттары Эмгек кодексине ылайык, 1-июлдан 1-сентябрга чейин эс алууга кетишкен.

 

«Мен парламент төрагасы болсом да башка депутаттар, чиновниктер сыяктуу эле эс алууга укугум бар. Бирок, мен башкалардан айрымаланып, бир ай эмес, бир жума гана эс алсам, ошону да айрымдар көралбай, Бириккен Араб Эмираттарына кетти дешип, ар кандай «интригаларды» таркатууга үлгүрүштү. Тигил жактан окуп алып, бир чети күлкүм, бир чети жиним келди. Чынында, мен Түркияга барып эс алып, кийин Москвага конуп, өзүмдүн бир-эки күндүк иштеримди бүтүрөрүм менен эле 31-июлда кайра учуп келдим. өзүңүздөр билгендей, өткөн жылы да парламенттик шайлоо бүтүп, жаңы эле төрага болуп шайланып, Ысык-Көлдөгү тоолордун бирине үй-бүлөм менен кышкысын лыжа тепкени барсам да, К.Көлбаев менен жолугушту деп негизсиз каралашты эле. Ал менен жолукпагандыгымды Улуттук коопсуздук кызматы да тастыктабадыбы», - дейт Келдибеков.
 
Спикердин айтымында, өткөндө парламенттик делегация менен Малайзияга мамлекеттик иш сапар менен барганда дагы «10 миллион сом коротушту», деп ач айкырык салышты.
 
Адам адам менен адам болот да, биздин өлкө парламенттик республика болгондон кийин, башка өнүккөн өлкөлөр менен мамиле куруп, карым-катнаш түзүп, сүйлөшүүлөрдүн артында мамлекетибиздин экономикасынын көтөрүлүшүнө салымыбызды кошоюн деп жүрөбүз. Эки колубузду чөнтөккө салып, эч жакка чыкпай көкүрөк кагып олтура бергенде бирөө келип биздин озубузга аш салып береби, - дейт төрага.
 
«Мен Малайзияны көрүп, эс алуу үчүн барган жерим жок. Буга чейин эле дүйнөнүн көптөгөн өлкөлөрүн кыдырып, көрүп келгем. Бир жолу чыдадым, эки жолу чыдадым, бирок бардык нерсенин өзүнүн чеги болот да, «интрига» жасап, бири-бирибиз менен чабыштырганды качан коюшат? Тартип орноп, ынтымак өкүм сүргөндө гана иш алдыга жылат экен. Анан итче ыркырашып жүрсөк, «бир күн уруш болгон жерден миң күн ырыскы качат», дегендей эле болот да», - деди Келдибеков.
Баракелде
 

Президент Роза Отунбаева кыска мөөнөттүк эмгек өргүүсүн өткөрүп жатып, 1-августта Ысык-Көл облусунун Чолпон-Ата шаарындагы мамлекеттик резиденцияда Европа коопсуздук жана кызматташтык уюмунун делегациясын кабыл алды.

 

Президенттин басма сөз кызматы маалымдагандай, жолугушууга ЕККУ төрагасынын гендер маселелери боюнча атайын өкүлү Венди Паттен, ЕККУнун адам сатууга каршы күрөшүү боюнча атайын өкүлү жана координатору Мария Грация Жаммаринаро жана ЕККУнун Бишкектеги борборунун башчысынын милдетин аткаруучу Лилиан Дарий катышты.
 
Жолугушууда адам сатууга күрөшүү, аялдардын укуктарын коргоо жана алардын экономикалык мүмкүнчүлүктөрүн кеңейтүү маселелерине байланыштуу кеңири пикир алмашуу болду. Азыркы учурда Кыргызстандан тышкары жерлерде иштеп жатышкан эмгек мигранттарынын 50%ын аялдар түзөт, ошондуктан, алардын укуктарын коргоодо иштиктүү чараларды көрүү маселеси абдан актуалдуу болууда, деп белгиледи басма сөз кызматы.
 
Аялдарга жасалган зордук-зомбулукка бөгөт коюу маселелерин талкуулоо учурунда Кыргызстанда БУУнун Коопсуздук Кеңешинин аялдарды жаңжалды чечүү иш-чараларына катыштырууга жана курал колдонулган жаңжалда аялдарды коргоого алууга багытталган Резолюциясы ишке ашырыла баштагандыгы белгиленди.
 
ЕККУнун өкүлдөрү Кыргызстан тең укуктуулукту жана мүмкүнчүлүктөрдү камсыз кылууда - мыйзам чыгаруу, улуттук пландар жана ведомстволор аралык координациялоо сыяктуу институционалдык шарттарды түзүү жаатында ЕККУга кирген өлкөлөрдүн ичиндеги лидерлердин катарында экендигин белгилешти. Ошону менен бирге аялдардын экономикалык мүмкүнчүлүктөрүн жогорулатууда инновациялуу көз карашта иштөө менен иш жүзүндө өзүнө жүктөлгөн милдеттерди ишке ашыруунун зарылдыгына басым жасалды.
 
«Өлкөдөгү социалдык-экономикалык абал эмгек миграциясынын жана адам сатуу боюнча жаралган жагдайдын негизги себептеринин бири болуп саналат. Аялдар эмгек мигранттарынын басымдуу бөлүгүн түзөт жана алар өз үй-бүлөсүнүн экономикалык абалын жакшыртууга аракет кылып келишет. Буга байланыштуу мамлекет тарабынан аялдардын экономикалык мүмкүнчүлүктөрүн жогорулатуу боюнча иш-аракеттер, анын ичинде – микрокаржылоонун кызматынан пайдаланып, өзүн-өзү иш менен камсыздоо, экономикалык өнүгүүгө жана жаңы технологияларды колдонууга аялдарды көбүрөөк аралаштыруу боюнча иш-аракеттер жасалууда», - деди Р.Отунбаева.
Баракелде

Кыргыз Республикасынын айрым мыйзам актыларына толуктоолорду жана өзгөртүулөрдү киргизүү жөнүндө КР Мыйзамына кол коюлду

Кыргыз Республикасынын Президенти Роза Отунбаева Кыргыз Республикасынын Жогорку Кеңеши тарабынан 2011-жылдын 17-июнунда кабыл алынган “Кыргыз Республикасынын айрым мыйзам актыларына толуктоолорду жана өзгөртүүлөрдү киргизүү жөнүндө” Кыргыз Республикасынын Мыйзамына кол койду.

Ушул Мыйзам расмий жарыяланган күндөн тартып күчүнө кирет.

КМШга мүчө мамлекеттердин коргоо министирликтеринин радиациялык, химиялык жана биологиялык жагдайды контролдоо жаатында өз ара аракеттенүүсү жөнүндө Макулдашууну ратификациялоо жөнүндө КР Мыйзамына кол коюлду

Кыргыз Республикасынын Президенти Роза Отунбаева Кыргыз Республикасынын Жогорку Кеңеши тарабынан 2011-жылдын 30-июнунда кабыл алынган “Кишинев шаарында 2008-жылдын 14 ноябрында кол коюлган Көз карандысыз Мамлекеттердин Шериктештигине катышкан мамлекеттердин коргоо министирликтеринин радиациялык, химиялык жана биологиялык жагдайды контролдоо жаатында өз ара аракеттенүүсү жөнүндө Макулдашууну ратификациялоо жөнүндө” Кыргыз Республикасынын Мыйзамына кол койду.

Ушул Мыйзам расмий жарыяланган күндөн тартып күчүнө кирет.

Имараттардын энергетикалык натыйжалуулугу жөнүндө КР Мыйзамына кол коюлду

Кыргыз Республикасынын Президенти Роза Отунбаева Кыргыз Республикасынын Жогорку Кеңеши тарабынан 2011-жылдын 30-июнунда кабыл алынган “Имараттардын энергетикалык натыйжалуулугу жөнүндө” Кыргыз Республикасынын Мыйзамына кол койду.

Ушул Мыйзам расмий жарыяланган күндөн тартып 6 айдан кийин күчүнө кирет.
“Лейлек” эркин экономикалык зонасын түзүү жөнүндө КР Мыйзамына кол коюлду

Кыргыз Республикасынын Президенти Роза Отунбаева Кыргыз Республикасынын Жогорку Кеңеши тарабынан 2011-жылдын 30-июнунда кабыл алынган “Лейлек” эркин экономикалык зонасын түзүү жөнүндө” Кыргыз Республикасынын Мыйзамына кол койду.

Ушул Мыйзам расмий жарыяланган күндөн тартып күчүнө кирет.


“Кыргыз Республикасынын мамлекеттик жана мамлекеттик эмес карызы жөнүндө” КР Мыйзамына толуктоо киргизүү тууралуу КР Мыйзамына кол коюлду

Кыргыз Республикасынын Президенти Роза Отунбаева Кыргыз Республикасынын Жогорку Кеңеши тарабынан 2011-жылдын 30-июнунда кабыл алынган “Кыргыз Республикасынын мамлекеттик жана мамлекеттик эмес карызы жөнүндө” КР Мыйзамына толуктоо киргизүү тууралуу” Кыргыз Республикасынын Мыйзамына кол койду.

Ушул Мыйзам расмий жарыяланган күндөн тартып күчүнө кирет.

Кыргыз Республикасынын Президентинин пресс-кызматы

 

Бишкек – “Саясат.kg”. Курманжан Датканын 200 жылдыгына карата “Алай ханышасы” даректүү фильми Баткен областынын бардык аскер бөлүктөрүндө жана ар бир айылда көргөзүлөт.

 
Бул тууралуу Баткен областтык кинодирекция башкармалыгынын башчысы Тажидин Боркошев билдирди.
 
Буга чейин КРнын Кыргызкино агентсвосуна   Өкмөт тарабынан бөлүнгөн каржылоонун эсебинен Баткен областтык кинодирекцияга видео көрсөтүүчү техника менен камсыздалган атайын жеңил унаа берилген. Жер жерлерде кино коюуда көз карандысыз иштөө үчүн унаа видеопроектор, киноэкрандан сурткары электрогенератор менен камсыздалган
 
Курманжан Датканын 200 жылдыгына мамлекеттик деңгээлде белгилөө боюнча кабыл алынган Өкмөттүк иш- чаранын алкагында област губернаторунун атайын буйругу менен бүтүндөй област аймагын кыдырып жер жерлерде мектептерде, аскер бөлүктөрүндө айылдык клубдарда тасманы элге тартууламакчыбыз - дейт Т.Боркошев.

Бишкек – “Саясат.kg”. 4-5-август күндөрү Ош жана Жалал-Абад шаарларында Кыргыз Республикасында шайлоолорду колдоо боюнча ПРООНдун долбоору  Кыргыз Республикасындагы Интерньюстун өкүлчүлүгү жана шайлоо системаларынын эл аралык фонду менен биргеликте 2011-жылдын октябрына белгиленген президенттик шайлоону чагылдыруу боюнча журналисттерге тренинг өткөрөт.

 

Окутуу массалык маалымат каражаттары кызматкерлеринин шайлоонун укуктук базаларын, шайлоодо шайлоочуларды сатып алуу, административдик ресурстарды колдонуу, журналисттердин шайлоону чагылдырууда бейтараптыгы, кынтыксыз чагылдырышы, шайлоо комиссияларынын, байкоочулардын, эл аралык байкоочулардын, коопсуздук кызматкерлеринин жана соттордун ролу жана башка маселелерди мыкты өздөштүрүп алуусу үчүн теория жана практика түрүндө берилет.
 
Тренингди тажрыйбалуу тренер, Чыгыш Европа жана КМШ өлкөлөрүнүн ММКтарындагы окутуу ишинде мол тажрыйба топтогон Зоя Казанжи, «Интерфакс» маалымат агентигинин жергиликтүү эксперти Наталья Любезнова өтүшөт.
 

Жогорку Кеңештин мурдагы депутаты Санжар Кадыралиевдин өлүмү боюнча бүгүнкү сот ишинде депутатты өлтүрдү деп шектелген Мурас Маташев жана Алтынбек Итибаев маркумдун жакын санаалаштары тарабынан сабалды. Бул тууралуу “Азаттыкка” шектелүүчү Мурас Маташевдин агасы Назарбек Маташев кабарлады. Анын айтымында, сот учурунда маркумдун карындашы, ЖК депутаты Ыргал Кадыралиева бут кийими менен айыпталуучуларды сабаган жана аны менен чогуу келген 15-20 чакты спортчу балдар да кошо сабаганга үлгүргөн. Натыйжада Мурас Маташевдин башы жарылып, тез жардам чакырылып, сот үзгүлтүккө учураган.

Ыргал Кадыралиева болсо муну четке кагып, сот Итибаевдин адвокатынын келбей калганы үчүн жылдырылганын “Азаттыкка” билдирди. Ал буга чейин сот учурунда 50дөй бала ага моралдык кысым көрсөткөнүн, бүгүнкү соттук териштирүүдө Маташев темир торду сүзүп алганын кошумчалады. “Бүгүнкү соттук териштирүүгө өз каалоосу менен катышуу үчүн инилерим барган. Жаңжал атайын уюштурулган жок”, - деди ал.

Ыргал Кадыралиеванын бир тууган агасы,“Ак жол” партиясынан парламентке келген Санжар Кадыралиев 2009-жылдын 14-апрелинде Бишкектеги үйүнүн жанында атып өлтүрүлгөн.

Азаттык
 

Борбордук шайлоо комиссиясынын мүчөсү Жаркын Бапанованын “Азаттыкка” тастыкташынча, өзгөрүүлөр Ош облусунун Ноокат, Жалал-Абад облусунун Аксы, Ала-Бука жана Майлуу-Суу, Бишкек шаарынын Свердлов, Октябрь аймактык шайлоо комиссияларында болду.

 

Анын айтымында, айрым комиссия мүчөлөрү өз талапкерлигин алып салгандыгына байланыштуу жаңыларын шайлоого туура келген.

Ошондой эле БШК бүгүнкү жыйынында 12 кишиден турган мамлекеттик тил боюнча сынак комиссиясынын курамын бекитти.
Азаттык
 

Жаңы долбоор боюнча бүгүндөн тарта кайгуул күзөт жана Жол кыймылынын коопсуздугу башкы башкармалыгынын кызматкерлери биргелешип иштешет. Бишкек шаары 40 бөлүккө бөлүнүп, үч топтон турган кызматкерлер күнү-түнү унаалар менен күзөткө чыгышат. Алардын аракети видеокөзөмөл аркылуу каралып турат. Мурдагыдай айдоочуларды тосуу болбойт. Бул тууралуу ички иштер министри Зарылбек Рысалиев журналисттерге билдирген. Анын айтуусунда, долбоор оң натыйжа берсе, башка аймактарга жайылтылып, убактысы узартылат. Иш-чарага жалпысынан 10 млн. сом каражат бөлүнгөн.

Кыргызстандын мамлекет жетекчилери тартип коргоо органдарын реформалоо багытында Грузиядан үлгү алууну көздөшүүдө. Буга чейин вице-премьер-министр Шамил Атаханов баштаган кыргыз делегациясы Грузияда болуп келген.

Азаттык
 

КYНДӨР
ООЗ БЕКИТҮҮ
ООЗ АЧУУ
1 AВГУСТ
3:55
20:28
2 AВГУСТ
3:57
20:27
3 AВГУСТ
3:58
20:25
4 AВГУСТ
4:00
20:24
5 AВГУСТ
4:02
20:23
6 AВГУСТ
4:03
20:22
7 AВГУСТ
4:05
20:20
8 AВГУСТ
4:07
20:19
9 AВГУСТ
4:09
20:18
10 AВГУСТ
4:10
20:16
11 AВГУСТ
4:12
20:15
12 AВГУСТ
4:14
20:14
13 AВГУСТ
4:15
20:12
14 AВГУСТ
4:17
20:11
15 AВГУСТ
4:19
20:09
16 AВГУСТ
4:20
20:08
17 AВГУСТ
4:22
20:06
18 AВГУСТ
4:23
20:05
19 AВГУСТ
4:25
20:03
20 AВГУСТ
4:27
20:02
21 AВГУСТ
4:28
20:00
22 AВГУСТ
4:30
19:58
23 AВГУСТ
4:31
19:57
24 AВГУСТ
4:33
19:55
25 AВГУСТ
4:34
19:53
26 AВГУСТ
4:36
19:52
27 AВГУСТ
4:38
19:50
28 AВГУСТ
4:39
19:49
29 AВГУСТ
4:41
19:47
30 AВГУСТ
4:42
19:46
 
Региондор боюнча убакыт айырмачылыктары:
 
Бишкек убактысынан мурда болгон аймактар (мүнөт менен)
Бишкек убактысынан кийин болгон аймактар (мүнөт менен)
Каракол
10
Талас
8
Токтогул
10
Кадамжай
20
   
Балыкчы
5
Ош
12
Жалал-Абад
15
Баткен
25
   
Нарын
6
Чоң-Алай
17
Чаткал
25
Исфана
30
   
 

Кыргызстанда 2003-жылы үй-бүлө жөнүндө мыйзам кабыл алынып, бүгүнкү күнгө чейин бул мыйзамга эки жолу өзгөртүү киргизилген. Бул тууралуу мамлекеттик каттоонун жарандык абалдын актылары департаментинин директору Мария Алыбаева маалымат жыйынында билдирди.
 
Анын айтымында, мыйзамдын өзгөртүлүшүнө ички жана тышкы миграциялык шарттар себеп болууда. Учурда чет элдик жарандардын кыргыз балдарын багып алууга мүмкүнчүлүк түзүү боюнча өзгөртүү киргизилген. Ал белгилегендей, президенттин буйругуна ылайык, буга чейин чет элдик жарандардын кыргыз балдарын багып алуусуна мораторий киргизилген.
 
«Бүгүнкү күндө Кыргызстанда 60 миң бала кароосуз калды. Буга ылайык, чет элдик жарандардын кыргыз балдарды багып алганга уруксат берилди», - деди М.Алыбаева. Ошондой эле жарандардын паспорттогу аттарын өзгөртүү боюнча жеңилдиктер берилди. Мисалы жарандар чет жакка чыкканда «уулу-кызы» деген фамилия аттарына тоскоолдуктар болуп келген, ал эми бүгүнкү күндө фамилия же аттарын тез аранын ичинде жеңилдетилген түрдө өзгөртүүгө мүмкүнчүлүк түзүлүүдө.
 
Кемин районундагы ЗАГС бөлүмүнүн башчысы Айнабүбү Исмаилова билдиргендей, буга чейин кыздар 16 жаштан никеге тура алат деп мыйзамда жазылган болсо, бүгүнкү күндө 17 жаштан никеге туруу каралсын деп айтылууда, анткени кыз жетилип толук билимге ээ болушу керек. Бул парламентте каралууда, бирок чечим чыга элек, деди А.Исмаилова.
Баракелде

 

Бишкек – “Саясат.kg”. Бүгүн, 1-августта КР биринчи вице-премьер-министри Өмүрбек Бабанов  Япониянын Эл аралык кызматташтык уюмунун(JICA) вице-президенти Киеши Кодера менен жолугушту. Жолугушуу Ө.Бабановдун Японияга жумушчу иш сапарынын алкагында болду.

 

Өзүнүн куттуктоо сөзүндө Ө. Бабанов Япония өкмөтүнө Кыргызстанга үзгүлтүксүз жардам көрсөтүп келаткандыгы, анын ичинде жолдорду оңдоо боюнча долбоорлорду, «Манас» аэропортун реконструкциялоого жана билим берүү чөйрөсүнө көрсөткөн жардамдары үчүн ыраазычылык билдирди.
 
Жолугушуунун соңунда азыр иликтөө абалында турган «Япониянын Эл аралык кызматташтык борборунун Кыргызстанга 2012-2014-жылдарга белгиленген көмөк көрсөтүү стратегиясын» адаптациялоо боюнча келишим түзүлдү.
 
Мындан тышкары аталган борбор тарабынан Ысык-Көл облусун андан ары өнүктүрүү максатында «Ысык-Көл» (Тамчы) эл аралык аэропортун изилдөө келишими түзүлдү. Ошондой эле иш сапардын жүрүшүндө Ө. Бабанов Японияда окуган кыргыз студенттерине мындан ары инженердик-техникалык адистиктерге которуу менен көп орун бөлүүнү суранды.
 
Андан ары тараптар мындан аркы эки тараптуу кызматташтык маселесин, анын ичинде JICA долбоорлорун КР аймагында инфраструктуралык долбоорлорго каржылоону макулдашышты.