Кыргызстанда 16-17-октябрда көп аймактарда жамгыр жаашы күтүлөт. Тоолуу жана тоого жакын аймактарда кар жаайт.

Бул тууралуу ӨКМдан билдиришти.

Маалыматта айтылгандай, Чүй, Талас, Жалал-Абад, Ысык-Көл облустарында нөшөрлөгөн жаан жаайт.

Зым өткөргүчтөргө жана дарактарга суу кар жабышат, жолдордо кар катмарынын пайда болушунан улам тайгак болот.  Жолдордун тоолуу бөлүгүндө кар күрткү жаралат. Шамал батыштан секундасына 18-23 метрге чейин жетет.

Аба ырайынын өзгөрүшү мал жайуу, автотранспорттордун иштерин, энергетикалык жана коммуналдык кызматтарды тейлөөнү кыйындатат.