Бишкек, "САЯСАТ.KG". Мен анын жазаланышын чындап каалайм, бирок менин үй-бүлөм бул тууралуу билишин каалабайм

Транспорттук каражаттарды жана айдоочулук курамды каттоо мамлекеттик борборунун (мурдагы “Унаа” мамлекеттик мекемеси) экзамен кызматкери аялды зордуктады деген маалыматты милиция иликтеп жатат.

Социалдык тармактарда Унаадагы экзамен алуучунун зордуктоосу тууралуу анонимдүү билдирүү тарады. Аял уялганынан арыз жазбаганын айткан.

«Жазында болчу, унута албай жатам. Колумдан келишинче каршылык көрсөттүм, бирок ал менден эки эсе күчтүү болчу. Ал мен эч качан айдоочулук күбөлүк ала албайсың деди. Мен анын жазаланышын чындап каалайм, бирок менин үй-бүлөм бул тууралуу билишин каалабайм», — деп айтылат билдирүүдө.

Автордун айтымында, ал сынак тапшыруучунун аты-жөнүн билет.

Бул тууралуу Бишкектин Октябрь райондук ички иштер башкармалыгы окуя катталып, алдын ала иликтөө иштери башталганын билдирди. «Милиция кызматкерлери жогоруда аталган адамдын өздүгүн тактоо үчүн бардык зарыл чараларды көрүп жатышат. Мындан тышкары, бул окуя жетекчиликтин көзөмөлүнө алынды», — деп кошумчалашты ШИИБден.

Булак: govori.tv