Мэрдин милдетин аткаруучу Балбак Түлөбаев муниципалдык кызматкерлерге Жаңы жылдык иш-чараларды өткөрүүгө жана көп санда чогулууга тыюу салды. Бул тууралуу ал 2-декабрда Бишкек шаардык кеңештин жыйынында билдирди.

Жыйындын жүрүшүндө депутат Нургазы Каримов Түлөбаевге «бул киргизилген чектөө жеке ишканаларга да тиешелүүбү?» деген суроо узатты.

«Мен аларга тыюу сала албайм», - деп жооп берди Түлөбаев.

Депутат массалык жыйындар коронавирус пандемиясынын жайылышына шарт түзүп жатканын айтты.

Түлөбаев депутаттын бул сөзүнө кошулуп, ага кафе-ресторандарга иштелип чыккан алгоритм жөнүндө билдирди.

Булак: Баракелде