Бишкекте биометрикалык маалымат чогултуу уланып жатат. Бул тууралуу мэрия кабарлады.

Маалыматтар төмөнкү даректер боюнча кабыл алынууда:

Биринчи май району — Ак-Босого конушундагы №16 жергиликтүү аймактык башкармалык, №82 мектептин жанындагы ФАП. Телефондору: (0312) 32-50-92, (0552) 70-76-07. Бүгүн жана эртең кабыл алынат;

Свердлов району — Дордой конушундагы №94 мектеп. Телефону: (0703) 00-77-30. Ушул жуманын аягына чейин;

Октябрь району — Кара-Жыгач конушундагы Дордой көчөсүндө жайгашкан №6 жергиликтүү аймактык башкармалык. Телефону: (0702) 63-37-47. 25-26-январь;

Ленин району — Жайыл баатыр көчөсү, 132 дарегиндеги №4 жергиликтүү аймактык башкармалык. Телефондору: (0312) 44-33-10, (0701) 11-75-77. 23-24 жана 27-январь.

Мобилдик топ биометрикалык маалыматты кыдырып жүрүп чогултат. Кийинки токтогон жерин мэрия кошумча маалымдамакчы. Жеке маалыматтарын тапшырууну каалагандар паспорту менен келиши керек. Мыйзам боюнча ар бир кыргызстандык биометрикалык маалымат тапшырууга милдеттүү.

sputnik.kg