Ушул жылдын жети айында "РСК Банк" ААК тарабынан жети миң насыя берилген. Анын суммасы  4 миллиард 784 миллион  982 миң 116 сомду түзгөн.

Бул тууралуу аталган банктын төрагасы Азизбек Оморкулов маалымат жыйынында билдирди. 

Айтымында, 7 миң насыянын 766сы Бишкектин тургундарына,  калганы аймактарга берилген.

Ал белгилегендей, 2017-жылга салыштырмалуу 2018-жылы аймактарды каржылоо 21%га өстү. 2019-жылы да алдыга жылды. Банк тарабынан да аймактык долбоорлорду өнүктүрүүгө программалар түзүлгөн. 

"Эң көп насыя Жалал-Абад облусунда  1 миң 452,  экинчи Ош облусунда  1 миң 37 насыя берилген", - деди төрага.