УКМКга жана ИИМге «Апрель» телеканалынын директору Дмитрий Ложников  сурак берди. Сурак беш сааттан ашык созулганы аталган телеканалдын сайтында жазылды. 

Анда жазылгандай, Ложников  сурактан 13-августка караган түнү 23:00 чамасында чыккан. Ал эми өзү көрсөтмө бергенин мындайча билдирген: 

“УКМК менен ИИМдин Тергөө кызматына сурак - маектешүү деп атасак деле болот - бердим. Андан кийин ИИМдин Криминалдык милиция кызматында болдум. Мен көргөн-билгендерим тууралуу айтып бердим, түшүндүрдүм”. 

ИИМ 7-8-августтагы окуяларды обьективдүү иликтөө үчүн ага катышы барлардын баары суракка чакырылаарын жарыялаган.