Өлкөдө автоунаалардын айнегин мыйзамсыз караңгылатуу менен кайрадан күрөш жүрөт. Бул тууралуу Жол жана транспорт министрлигинин алдындагы транспорттук көзөмөл Башкармалыгынан билдиришти.
Маалыматка караганда, ушул жылдын 1-февралынан 1-мартына чейинки убакыт аралыгында кыдыруу иш чаралары өткөрүлдү. Анда «транспортту мыйзамсыз кайра жабдуу» беренеси боюнча 225 протокол түзүлгөн. Протоколдордун 218и айнекти караңгылатууга батытталган. Салынган айыптардын суммасы 654 миң сомго жеткен.