Чүй интернат-мектебинен чыгып дайынсыз болуп жаткан 13 жаштагы Анаркүл Жоошбаева табылды. Бул туралуу аталган мектептин директору билдирди.
Айтымында, кызды мугалимдер 23-февралда Ош базарынын жанынан табышкан.
Кыздын акыбалы жакшы. Мектептен эмне себептен качып кеткени белгисиз. Директордун айтымында, мектепте ага жакшы мамиле жасалган.
Эске салсак, кыз 18-февралдан баштап дайынсыз болгон.