Азия Кубогуна катышкан кыргызстандык футболчулар  улуттук курама командасы бүгүн  таңкы саат 4:30да мекенине кайтып келишти. Команданын 20 футболчусу, машыктыруучулар штабы,  Футбол федерациясынын өкүлдөрү Дубай-Бишкек каттамында кайтышты. 

Ийгилик жараткан футболчуларды  "Манас" абамайданынан  биринчи вице-премьер-министр Кубатбек Боронов баштаган аткаминерлер жана миңге чамалаш  күйөрманы тосуп алышты. Күйөрмандар Кыргыз Республикасынын гимнин ырдашып, колдоруна  Улуттук кураманы колдогон жазуулар бар плакаттарды  көтөрүп алышкан. 

Азия Кубогу 5-январдан 1-февралга чейин болот. Кыргыз улуттук курама команда бул таймашка биринчи жолу катышты. Алар  тайпалык баскычта Түштүк Корея, Кытай, Филиппинге каршы ойношкон. Жыйынтыгында,  3 упай топтоо менен жарым чейрек финалга чыга алды. Бирок, 1/8 финалда  БАЭ курамасынан 3:2 эсебинде жеңилип, андан улам мелдештен четтешти.