Мурдагы башкы прокурор Индира Жолдубаеванын 2017-жыл боюнча толтурган декларациясынан анын анчалык деле байлык топтобогону маалым болду. Мамлекеттик салык кызматы кыргызстандык аткаминерлердин өткөн жылдагы кирешесин аныктаган декларацияларды жарыялады. 

Индира Жолдубаева бир жылда 852 миң 186 сом тапкан. Карамагында үйү менен батири бар. Андан тышкары экс-башпрокурор айым жасалга буюмдары менен тиричилик техникаларын да ачык жазган. Анын кымбат баалуу таштар чегерилген жалпы баасы 350 миң сомду чапчыган жасалгалар топтому бар.

Ал эми анын жакындарынын үйү да, автоунаасы да жок. 2017-жылы алар үй-бүлөлүк бюджетке эч кандай  каражат кошушпаган.