Кээ бир судьялар жылына 50-80 миң долларга чейин кошумча киреше табышат. Бул тууралуу “Укук мектеби” коомдук уюмунун төрайымы Клара Сооронкулова 

  “Мамлекеттин сот тармагындагы коррупцияга каршы саясаты: абалы жана келечеги” аталышындагы тегерек үстөлдүн жүрүшүндө билдирди.

Айтымында, башка мамлекеттер эгер коррупция маселеси бар болсо,  судьялар үй-бүлөсүнүн жашы жете элек мүчөлөрүнө  дагы декларация жазышат. Мындай талап судьялардын мүлктүк абалын аныктоо үчүн өзгөчө мүнөзгө ээ. 

Ал  судьялардын 2015-2016-жылдардагы колдонууга эркин бир нече декларациясын анализдеп чыкканын белгиледи. Андан улам соттордун басымдуу бөлүгү  текшерүү болбогондуктан кирешелерин жана активдерин жашырып коюшаары байкалган.

"Мамлекеттик кадр кызматы баарын формалдуу түрдө жасап жатат”, - дейт Клара Сооронкулова.