«Центерра Голд» компаниясы Кыргызстандын өкмөтү менен Айлана-чөйрөнү коргоо жана инвестицияны өнүктүрүү боюнча стратегиялык келишимдин шарттарын аткаруу мөөнөтүн дагы узартуу тууралуу макулдашылганын расмий сайтына жарыялады. 

Аталган  келишимге тараптар 2017-жылдын 11-сентябрында кол коюшкан. Анда  келишимдин мөөнөтү ушул жылдын  24-августуна  чейин узартылган. Компаниянын маалыматына таяксак, эми   узартуу 2-ноябрга белгиленди.

Белгилей кетсек, кыргыз өкмөтү "Центерра Голдду" экологияга зыян тийгизип жатканы үчүн айыптап, сотко берип 100 миллион доллар компенсация талап кылган. Бирок, ага жетпей  2017-жылы стратегиялык макулдашуу кабыл алынып, Кыргызстан доосунан   баш тарткан.  Канадалык компания онкологиялык кызматты жакшыртууга 10 миллион, жаратылышты коргоого 50 миллион доллар бөлүп берүүгө макул болгон.