Өздүк кароо жүргүзүү мезгилинде жапайы кендирдин жыты бар өсүмдүгү табылып алынып, экспертиза көрсөткөндөй жалпы салмагы 800 граммды түзгөн өсүмдүк марихуана баӊгизаты болуп чыккан.
Бул тууралуу Ысык-Көл ОИИБинен кабарлашты.
Ошол эле күнү, Түп РИИБдин кызматкерлери Ысык-Көл облусу боюнча УКМКнын кызматкерлери менен бирдикте жүргүзгөн ыкчам-иликтөө иштеринин натыйжасында, талаада баӊгизатын даярдап жаткан жеринен Орто-Өрүктү айылынын 48 жаштагы тургуну М. Калык колго түшүрүлдү. Анын колундагы капты кароо жүргүзү мезгилинде, ичинен 22 килограммдан ашык марихуана баӊгизаты табылып алынды.
Жогорудагы фактылар боюнча Кыргыз Республикасынын кылмыш-жаза кодексинин 246-беренеси менен кылмыш иши козголуп, кармалган адам райондук милициянын убактылуу кармоочу жайларына киргизилишип, тергөө амалдары уланууда.
Ысык-Көл облусунун аймагында баӊгизатын мыйзамсыз жүгүртүүгө бөгөт коюу максатында милиция тарабынан тынымсыз күрөш жүргүзүлүп, иш-жүзүнө ашырылууда.
Ысык-Көл ОИИБдин Басма сөз кызматы