Бишкекте Чоң Чүй каналынын жанынан ымыркай кыздын жансыз денеси табылган. Бул тууралуу укук коргоо кызматынан билдиришти.

Маалыматка караганда,  ымыркай 14-декабрда кечинде табылган.

Баланы көргөн адамдар саат болжол менен 21:00дөрдө милицияга коңгуроо кылышкан. Жансыз денени каналдын жээгинде жайгашкан «Жасмин» кафесинин жанынан табышкан. Эксперттердин корутундусуна ылайык, бала тоңуп каза тапкан. Денесинен күч колдонуп өлтүрүүнүн белгилери табылган эмес.

Учурда ыкчам – тергөө амалдары жүргүзүлүүдө. Баланын денеси өлүкканага жеткирилген.