Бүгүн жалпы кыргызстандыктар жазды утурлай келген Нооруз майрамын тосушууда. Бул майрамдын жыл өткөн сайын маани-маңызы кеңейип баратат. Анткени, Нооруз мусулман дүйнөсү үчүн Жаңы жылдык майрам, анан да жаңылануунун, тазалануунун символу катары белгилүү.

 

Быйылкы кыш Ноорузга чейин созулду. Акындардын бири тамашалап, “Быйылкы жаз бала салып алганбы?” – деп да жазганга үлгүрдү. Бирок, бүгүн аба-ырайы ачылып, бизге кереметти тартуулап турган чак.

 

Урматтуу окурман!

 

Түйшүктүү турмушубуз быйыл оңолуу жолуна түшүп, үй-бүлөдө бакты-таалай, молчулук, токчулук, ырыс-ынтымак болсун! Көңүлдү түшүргөн көрүнүштөр артта калып, асманыбыз ар дайым ачык болуп турсун! Бардыгыңыздарга оомат тилейбиз. Көп жашаңыз, оорубаңыз!