Балдар коронавирус инфекциясын жеңил өткөрүшөт. Бирок бул балдарда оорунун оор түрлөрү (мисалы, балдардын мультисистемалык сезгенүү белгилери (БМСБ же цитокиндик бороон) же өлүм учурлары
болбойт дегенди билдирбейт. Мунун баары кездешет, бирок чоңдорго караганда сейрек.

Коронавирусту жугузганда көпчүлүк учурда балдардын абалы канааттандырарлык болот.

Эмне үчүн балдар COVID-19ду жеңил өткөрүшөт?

Бул азыркыга чейин толук түшүнүксүз, ошондуктан бир нече теория бар:

• Балдарда АСЕ2-рецепторлор аз. Баланын дем алуу органдарында клеткаларга жугуу үчүн коронавирус байланышкан АСЕ2-рецепторлор аз.
• Балдарда оордоштуруучу факторлор аз. Аларда кесепетинен COVID-19 оор формада өтүшү мүмкүн болгон өнөкөт оорулар дээрлик жок.
• Кайчылаш иммунитет.

Балдар чоңдорго караганда сасык тумоого көп чалдыгышат, бул коронавирустун башка түрлөрүнөн да (кыйла коопсуз) пайда болушу мүмкүн. Балким, жакында "сасык тумоо" вирустарына пайда болгон иммунитет жаңы коронавируска жакшы туруштук берет.