Жеңиш Разаковдун өмүр баяны:

Разаков Жеңиш Парпиевич 1967-жылы Ош облусунун (азыркы Баткен облусу) Кызыл-Кыя шаарында туулган.

Жогорку билимдүү.

- 1990-жылы маршал Д.Ф.Устинов атындагы Ленинград аскердик-механикалык институту;

- 1997-жылы ИИМдин Республикалык окуу борбору;

- 2002-жылы Кыргыз мамлекеттик улуттук университетинин юридикалык факультети (сырттан окуу бөлүмү);

- 2013-жылы ИИМ Академиясы, 1-факультет (сырттан окуу бөлүмү).

Ишмердүүлүгү:

- 1990-жылы Кызыл-Кыя шаарындагы «Алай» унаа куруучу заводдо уста;

- «Алай» заводунун өндүрүү цехинин жетекчиси, жетекчинин орун басары;

- 1996-жылдан тарта укук коргоо органдарында кызматкер;

- 2000-жылы Баткен РИИБдин экономикалык жана коррупциялык кылмыштарга күрөшүү бөлүмүндө ыкчам ыйгарымдуу өкүл;

- Кийинчерээк Баткен РИИБдин жетекчисининн орун басары;

- 2011-жылдын 15-апрелинен 2012-жылдын 1-февралына чейин Баткен РИИБдин жетекчиси;

- 2012-жылы 1-февралда Баткен облусунун губернаторунун – мамлекеттик администрациянын башчысынын милдетин аткаруучу;

- 2012-жылдан 2016-жылга чейин өкмөттүн Баткен облусундагы ыйгарым укуктуу өкүлү;

- 2016-жылдын июнь айынан 2017-жылдын августуна чейин вице-премьер-министр;

-2017-жылдын август айынан 2017-жылдын октябрына чейин Кыргызстандын Коопсуздук кеңешинин катчысы;

- 2017-жылдын 26-октябрынан 2018-жылдын 20-апрелине чейин Кыргыз Республикасынын президентинин кеңешчиси;

- 2018-жылы 20-апрелде вице-премьер-министр болуп дайындалган.

Кошумча маалымат:

- милициянын полковниги;

- 1999-2000-жылдардагы Баткен окуясынын катышуучусу;

- «Даңк» медалы менен сыйланган.

Булак: Баракелде