Атамбаевге жаңы шайланган президенттин бир тууган агасынын Украинага элчи болуп дайындалгандыгы тууралуу суроо берилди.

«Украинага элчинин дайындалуусу бул мамлекет менен мамилени жакшыртууну билдирбейт да?»

Мамлекет башчысы Атамбаев бүгүн «Ала Арча» мамлекеттик резиденциясында маалымат жыйынын өткөрүүдө.

Атамбаев Шариповдун элчи болуусу эчак чечилген маселе экенин белгиледи:

«Шариповдун дайындалуусу эчак чечилген болчу. Ал Кувейтте отурганда Жээнбековду салафит эсептеп башташты. Бардык мамлекеттер менен иштешип, бардык жерге элчиликти орнотуу керек. Казакстан менен эки жылдан бери элчилигибиз жок», - деди Атамбаев.