28-январда Кыргыз Республикасынын Президенти Садыр Жапаровдун кызматына киришкенине 5 жыл толду.
Бул аралыкта өлкө жетекчилигинин колдоосу менен жол-транспорт тармагына казынадан каралган каражаттын көлөмү көбөйүп, ири долбоорлордун курулушу жүзөгө ашып жатат.
Акыркы 5 жылда асфальтталган жолдордун көрсөткүчү:
2021-жыл 175 км;
2022-жыл 488,4 км;
2023-жыл 673,8 км:
2024-жыл 802 км;
2025-жыл 1545 км.
Өлкөбүз эгемендүүлүк алгандан бери КРдин Президенти Садыр Жапаровдун демилгеси менен биринчи жолу республикалык бюджеттин эсебинен жолчулардын жумушун жеңилдетүү максатында 2022-2024-жылдар аралыгында 750 атайын техника сатып алынган. Аларга самосвалдар, автогрейдерлер, битум ташыган транспорт каражаттары, бульдозерлер, экскаватор жана башкалар кирет. Жол-транспорт тармагындагы жогорку көрсөткүчтөр техникалык базанын толукталышы менен жетишилип жатат. Алынган техникалардын саны артып, аймактарга бөлүнүп берилүүдө.
Транспорт жана коммуникациялар министрлигинин маалымат кызматы