Бүгүн, 6-апрелде саат 10:00гө карата (Ташкент убактысы) Өзбекстанда дагы 48 адамдан коронавирус инфекциясы аныкталды.

Бул тууралуу өлкөнүн Саламаттыкты сактоо министрлиги билдирди.

Өзбекстанда коронавирус жуктургандардын жалпы саны 390 адамга жетти. Ошондой эле 2 адам каза болуп, 30 адам бул илдеттен айыкты.

Бүгүнкү күндө Кыргызстанда 216 адамдан коронавирус аныкталып, 4 адам каза болду. Ошондой эле 10 адам бул илдеттен айыкты, бүгүн дагы 23 адамды ооруканадан чыгаруу пландалып жатат.

Булак: Баракелде