Мамлекеттик бюджеттин салыктык эмес кирешелери 2024-жылдын январь-октябрь айларында өткөн жылдын он айына салыштырмалуу 21,9 пайызга өстү. Бул тууралуу Финансы министрлигинин маалыматында айтылат. 

Бул берене боюнча жалпысынан бюджетке 84,4 млрд сом түшкөн. Бул сумманын жарымы мүлктөн жана пайыздык кирешеден түшкөн. Категорияга мамлекеттик компаниялардын акцияларынан түшкөн дивиденддер, Улуттук банк республикалык бюджетке чегерүүчү пайдалар, ошондой эле Финансы министрлиги тарабынан берилген бюджеттик ссудалар жана кредиттер боюнча пайыздар кирет.

Салыктык эмес кирешелердин башка булактарына акы төлөнүүчү мамлекеттик кызмат көрсөтүүлөр (15,3 млрд.) жана мамлекетке түшкөн кирешелер (10 млрд.) кирет.