7-июлда Ысык- Көлгө бараткан жолдо Lexus ES 300 үлгүсүндөгү унаа жол кырсыгына кабылып, андагы төрт адам каза тапкан. Экинчи BMW Х7 үлгүсүндөгү автоунаада парламент депутаты Алиярбек Абжалиевдин уулу болгону айтылган.
Ысык-Көл ОИИБинин басма сөз кызматы бул ишти тергөө райондон облустук ички иштер башкармалыгына өткөрүп берилгенин билдирди.
Маалыматка караганда, окуя коомчулуктун көңүл чордонунда болуп жаткандыктан, ишти тажрыйбалуу тергөөчүлөр иликтөөсү керек.