Бишкектин жаңы башкы планында айрым турак жай имараттары жашыл зоналар катары белгиленген. Бул тууралуу мэр Айбек Жунушалиев бүгүн, 19-ноябрда өткөн маалымат жыйынында билдирди.
Мэр белгилегендей, башкы планда 2024-жылы жүргүзүлгөн административдик-аймактык реформа эске алынган. Шаардын аймагы үч эсеге көбөйүп, калкынын саны 1,3 миллионго жетти.
«Башкы пландын долбоорунда турак жай имараттары жана курулмалар жашыл зоналарда пайда болгон учурлар бар. Санкт-Петербург изилдөө институтунун адистери жана эксперттери аларга берилген баштапкы маалыматтардын негизинде иштешти. Айрым документтер өз убагында толтурулган эмес жана бул аймактар азыр бош деп көрсөтүлүүдө. Бирок, бул имараттар бузулат дегенди билдирбейт. Тескерисинче, биз бул аспектилерди реалдуулукка ылайыкташтырып, тууралайбыз. Урматтуу жарандар, дүрбөлөңгө жана спекулянттардын манипуляцияларына алдырбагыла», — деди мэр.
Булак: govori.tv