Бишкектин Свердлов райондук ички иштер бөлүмү белгилүү актриса Роза Азимбаева зомбулукка кабылганы боюнча түшкөн кайрылууга байланыштуу расмий маалымат таратты.
Милициянын билдиришинче, окуя каттоого алынып, текшерүү иштери башталган. Учурда тергөө иш-чаралары жүрүп, соттук-медициналык экспертиза дайындалды. Милиция кызматкерлери актриса жана анын 42 жаштагы жолдошун бөлүмгө жеткирген.
Эскерте кетсек, Роза Азимбаева буга чейин социалдык тармактагы видеосунда жолдошу тарабынан ур-соккуга кабылганын айтып чыккан. Актриса эл арасында “Министрдин кызынын махабаты” тасмасындагы Зинанын образы аркылуу таанылган.
Учурда окуя боюнча бардык жагдайлар такталууда.
Будак: koom.press