Ысык-Көлдүн Ак-Суу районундагы тоо-лыжа базасы катары белгилүү "Ала-Тоо Резорт" аймагындагы жер тилкелер сатылды. Бул тууралуу Мамлекеттик мүлктү башкаруу агенттиги билдирди.
Аукциондор 15-июлдан 18-июлга чейин жүрүп, жалпысы 14 лот коюлуп, 21 537 чарчы метр жер 472,5 миллион сомго сатылган.
Жер тилкелери даяр долбоор менен кошо сатылып, учурда жолдорду жана канат жолун куруу иштери башталган.
Бул аймакта 3, 4 жана 5 жылдыздуу мейманканалар, VIP-коттедждер, этнотаунхаустар, ресторан, кафе жана башка коммерциялык объектилер курулушу керек. Жеңүүчүлөр үчүн негизги талап — объект эки жылдын ичинде пайдаланууга берилиши шарт.
Мамлекеттик агенттиктин маалыматына караганда, жакында дагы кошумча 35 лот аукционго коюлушу мүмкүн.
Булак: Спутник