Бишкек шаарынын мэри Айбек Жунушалиев нормадан ашыкча ысыкка байланыштуу «Бишкек жашыл курулуш» муниципалдык ишканасына жашыл аянтчаларды сугарууну күчөтүүнү тапшырды. Бул тууралуу муниципалитеттин басма сөз кызматы билдирди.
Маалыматка ылайык, төмөндөгүлөр тапшырылды:
Борбор калаадагы жашыл аянтчаларды сугарууну жана көрктөндүрүү иштерин күчөтүү боюнча ишкананын жетекчиси;
Акимдер жана жергиликтүү аймактык башкармалыктардын башчылары жеке көзөмөлгө алышсын, өз убагында сугарылбагандыгы үчүн жетекчилер жеке жоопкерчилик тартат;
«Бишкек жашыл курулуш» муниципалдык ишканасына ар тараптуу жардам көрсөтүү үчүн башка муниципалдык кызматтар;
муниципалдык инспекциясы чарбакер субъектилердин ээлерине чектеш аймактагы жашыл аянтчаларды үзгүлтүксүз сугарууну уюштуруу боюнча түшүндүрүү иштерин жүргүзсүн;
«Тазалык» муниципалдык ишканасы сугат тармактарын тазалоону күчөтсүн.
Эске салсак, абанын температурасынын жогорулашына байланыштуу шаардагы бак-дарактар, бадалдар куурап жатат. Ошентип, Эркиндик бульварында чөптөр күйүп, бак-дарактар жалбырактары төгүлүүдө. Аянттар жана аллеялар кургакчылыктан куурап жатат.
Булак: 24.kg