Бишкек-Ош унаа жолунун Ноокен районунун аймагында Мерседес-Бенц жана Мазда Демио унааларынын катышуусунда жол кырсыгы катталды. Бул тууралуу Жол кыймылынын коопсуздугун камсыздоо башкы башкармалыгынын басма сөз кызматы билдирди.

Алдын ала маалыматтар боюнча, унаалардын бири каршы тилкеге ​​чыгып кеткен.

Кагылышуунун кесепетинен Mazda Demio унаасынын айдоочусу жана жүргүнчүсү окуя болгон жерде каза болушкан. Андан башка дагы жабырлануучулар тууралуу маалыматтар бар.

Учурда тергөө иш-чаралары жүрүп жатат, кырсыктын бардык жагдайлары такталууда.