КР Министрлер Кабинетинин төрагасынын орун басары – УКМК төрагасы Камчыбек Ташиев УКМКнын Ош Башкы башкармалыгындагы “Альфа” атайын курамынын снайпери К.Б.ны кабыл алды.

К.Б. “Kansel Final 2024” эл аралык мелдешине катышып, байгелүү экинчи орунду багындырган. Мелдеш Италия мамлекетинин Ливорно шаарында өткөн. Кыргызстандан жалпы 7 аткыч катышкан. Мелдеш 16 этаптуу шарттардан турган. 250 метр аралыктан 1012 метрге чейинки аралыктан ок атуу мелдештери орун алган. Эр аралык бул мелдешке жалпы 18 өлкөдөн, 69 аткыч катышкан.

Камчыбек Ташиев “Альфа” кызматкерин жеңиши менен куттуктап, акчалай сыйлык ыйгарды. Мындан ары кызматтык милдеттерин так аткарууну жана алдыңкы мелдештерге активдүү даярдык көруп, ийгиликтерди жаратууну улантуусуна тилектештигин билдирди.

Эскерте кетсек, “Kansel Final 2024” эл аралык мелдешинде 1-орунду Италиялык аткыч, 2-орунду Кыргызстан жана 3-орунду Казакстандык аткыч ээлеген.