Диний-экстремисттик иштерге катышкандыгы үчүн Өзбекстан Республикасынын аймагында издөөдө жүргөн Өзбекстан Республикасынын  жараны К.Ш.Т. Ош облусунда кармалды. Бул тууралуу УКМК билдирди. 

Маалыматка караганда, атайын кызматтын кызматкерлери ыкчам-издөө иш-чараларын жүргүзүшкөн. Жыйынтыгында,  Ош облусунун аймагында Өзбекстан Республикасынын Андижан облусунун 1973-жылы туулган К.Ш.Т. аттуу жараны кармалды. Ал Өзбекстан Республикасынын аймагында диний-экстремисттик иштерге аралашкандыгы, ошондой эле Өзбекстан Республикасынын конституциялык түзүлүшүнө кол салгандыгы үчүн издөөдө жүргөн.

Учурда кармалган жаран КР Юстиция министрлигине караштуу Жазаларды аткаруу кызматынын  №5 тергөө абагына киргизилди.