Кыргыз Республикасынын Жогорку Кеңешинин депутаты Камила Талиева Лейлек районундагы иш сапарынын алкагында жергиликтүү тургундар менен жолугушту.

Жолугушууда «Бир айыл – бир продукт» долбоору боюнча кеңири маалымат берилип, аталган багытта жасала турган иштер талкууланды. 

Депутат Камила Талиева өлкөнүн өнүгүшү аймактардагы жетишкендиктерге көз каранды экенин белгилеп: «Борбордон алыс жайгашкан Лейлек районундагы калк турмушун жакшыртуу үчүн керектүү социалдык-экономикалык долбоорлорду ишке ашыруубуз керек. Анын ичинен «Бир айыл – бир продукт» долбоору аркылуу экологиялык айыл чарба продуктуларын экспорттоо мүмкүнчүлүгүн кеңейтүүбүз кажет», – деди. 

Ошондой эле талкуу маалында бир катар сунуш пикирлер айтылып, долбоордун алкагында аткарылчу иш-аракеттер тууралуу сөз болду.