Маалыматка караганда, жыйынга мэриянын эмгек, социалдык камсыздоо жана миграция башкармалыгынын башчысы Назира Жакыпова, тиешелүү мекеме-ишканалардын адистери жана шаар тургундары катышты.
Мэриядан белгилешкендей, алгач адистер тарабынан аз камсыз болгон үй-бүлөлөрдү жакырчылыктан чыгаруу, аларга жагымдуу шарттарды түзүү боюнча жарандардын финансылык сабаттуулугун жогорулатуу, акча каражаттарын туура колдонуу, каржылык маселелерди түшүнүү боюнча маалыматтар айтылып, окутуу суроо-жооп менен улантылды.
Белгилүү болгондой, Кыргызстанда социалдык келишимдин негизинде аз камсыз болгон үй-бүлөлөрдүн ишкердик баштоосу үчүн 100 миң сомдон гранттык акча каражаты берилип келүүдө. Быйыл аталган долбоордын алкагында Жалал-Абад шаарындагы жакыр жашаган 68 үй-бүлөгө 100 миң сомдон берилет.
Эске салсак, 2022-жылы Жалал-Абад шаарынан 50 үй-бүлө социалдык контракт долбооруна катышып, жеке ишкердигин баштаган.