Бүгүн, 25-февралда Жогорку Кеңештин Конституциялык мыйзамдар, мамлекеттик түзүлүш, сот-укуктук маселелер жана регламент боюнча комитети Жогорку соттун Конституциялык палатасынын судьялык кызматына президент тарабынан сунушталган талапкерлерди карады.

Президенттин Жогорку Кеңештеги өкүлү Курманбек Дыйканбаев комитеттин мүчөлөрүнө талапкерлерди тааныштырды.

Талапкерлер:

- Мукамбет Касымалиев;

- Меергүл Бобукеева;

- Латип Жумабаев.

Мукамбет Касымалиев менен Меергүл Бобукеева 2019-жылдын ноябрында Конституциялык палатанын судьясы кызматынан бошотулган. Бул 7 жылдык мөөнөт аяктаганы менен байланыштуу болгон.

Жыйынтыгында комитеттин мүчөлөрү 3 талапкерди тең колдошту.

Булак: Баракелде