«Таластан эмнеге министр жок?!» деп кыйкырышса кызыктай угулат экен. Буга чейин болуп эле келген, дагы да болот. Башасын айтпасак да, бүгүнку күндө Таластан чыккан Дастан Жумабеков Жогорку Кеңештин төрагасы болуп отурса, атасы Сабыр Жумабеков бакыйган оорукананын башчысы, Алмаз Жумабеков Талас ОИИБнин начальниги, даты бир Жумабеков Ысык-Ата РИИБнин начальниги, дагы бири УКМКда жооптуу кызматта отурганычы? Кеп жок! Жумабековдор ото эле тың чыгышыптыр, заманга жараша баардык тармактарды басып отурушат. Эч кандай ичкуйдулук да эмес. Болгону таластыктардын кыйкырыгынан улам гана бир үй-бүлөдөгү кызматтык бактыны эске салып койдук. Качанкыга чейин жыргашат болду экен. Эл тараза болсун.

Кубат Карачев

Булак: ”Азия Ньюс”