Жумурткадан кыр чыгарып көнгөндөр бу саам кыргыз улакчыларынын казактардан жеңилгенин президенттикке талапкер Ө.Бабановдон көрүп жиберишкенине баракелде.

Бабанов болгону балбан билек жигиттерибизге ийгилик каалап, журналисттердин көзүнчө беш эле мүнөт жолуккан экен. Оюн деген оюн да, өткөн жылы көчмөндөр оюндарында биздин улакчылар жеңген, эми Астанада казак көк бөрүчүлөрү ийгиликке жетип олтурат. Калптын казанын кайнатып, ушактын ырын ырдагандар ушул жерден да Өмүрбек мырзага көө жаап калуу аракетин кылып, анысынан майнап чыкпай олтуруп калышты. Биз билгенден Бабанов кыргыз улакчыларына кош колдоп колдоо көрсөтүп, мыкты аттардан алып берип, атүгүл, президенттик кубоктун баш байгеси катары автомашиналарды сайып берип жүргөн эле.

Булак: “Майдан.kg” гезити, №33, 30-август 2017-ж