Шайлоо жана референдум өткөрүү боюнча борбордук комиссиясы 27-ноябрда Жогорку Кеңештин депутаттыгына №2 шайлоо округу боюнча талапкер Ырысбек Атажановдун шайлоо алдындагы үгүт иштеринин шарттарын бузгандыгы тууралуу келип түшкөн материалдарды карады.

Атажанов Жогорку Кеңештин 7-чакырылышынын депутаты болгон. БШКнын жыйынында талапкерге карата арыз келип түшкөн, бул тууралуу БШКнын жумушчу тобу маалымдады.

БШКнын юристи социалдык тармактарга мониторинг жүргүзүү учурунда талапкердин мечитте үгүт иш-чараларын өткөргөндүгү, ошондой эле Бирлик айылына кире бериштеги аркага талапкердин баннери орнотулганы аныкталганын билдирди.

Мындан тышкары, талапкер Майдан айылынын тургундары менен социалдык объектилерди курууга убада берген келишимге кол коюуда.

Мыйзамга ылайык, талапкердин диний мекемелерде үгүт жүргүзүүгө, мыйзам тарабынан тыюу салынган жерлерге баннер орнотууга жана кайрымдуулук иш-чараларын өткөрүүгө укугу жок.

Буга байланыштуу БШКнын жумушчу тобу талапкерди эки мыйзам бузуусу үчүн 7500 сомдон айыпка жыгууну, ошондой эле жол берилген башка бир катар мыйзам бузуулар үчүн эскертүү берүүнү сунуштады.

БШКнын төрагасы Тынчтык Шайназаров жумушчу топко чечимди кайра карап чыгууну жана шайлоо мыйзамдарын кайталап бузгандыгы үчүн талапкерди шайлоо катышуудан четтетүү мүмкүнчүлүгүн кароону сунуштады.

Жумушчу топ Шайназаровдун сунушун бир сааттын ичинде карап чыгып, маселени кароого алып чыгышы керек.

Ырысбек Атажанов №2 шайлоо округу боюнча ат салышууда, анда 14 талапкер катталган.

Булак: govori.tv