Бишкек, "Саясат.kg". Кырсыктан улам Портердин айдоочусу жана анын ичиндегилер, машинени башкарып бараткан 63 жаштагы жаран 38 жана 36 жаштагы эки баласы менен жеринде каза тапты

26-августка караган түнү саат 1:30 чамасында Алай районунун Нура айыл аймагына караштуу Тажик-Коргон тилкесиндже автокырсык жүз берди. Оор жүк ташуучу ЗИЛ-130 автоунаасы менен чөп жүктөп келе жаткан “Хюндай Портер” машинеси кагылышкан. Бул туурасында Ош облустук ички иштер башкармалыгынын басма сөз катчысы Жеңиш Ашырбаев кабарлады.

- Кырсыктан улам Портердин айдоочусу жана анын ичиндегилер, машинени башкарып бараткан 63 жаштагы жаран 38 жана 36 жаштагы эки баласы менен жеринде каза тапты. А ЗИЛдин айдоочусу жана анын ичиндегилер, жалпы беш киши ар кандай жаракат менен Алай райондук ооруканасына жеткирилди, - деп кошумчалады Ош облустук ички иштер башкармалыгынын басма сөз катчысы Жеңиш Ашырбаев.

Соңку сааттарда окуя боюнча техникалык жана соттук-медициналык экспертиза дайындалды. Жол кырсыгынын чыныгы себеби териштирилип жаткан чагы.