Бишкек, "САЯСАТ.KG". Мен ооруканада 14 күн жаттым, алдыда татаал жана кымбат операциялар күтүп турат

Ысык-Атада бейтааныш жигит кызды катуу сабап кеткен. Бул тууралуу адвокат Шердор Абдыкапаров билдирди.

Жабырлануучулардын биринин айтымында, 18-август түнү, туулган күнүндө ал курбулары менен Ысык-Атага барып, ал жерден үй ижарага алышкан.

«Кечинде биз от жагып жаткан жаштар турган жерге бардык. Биз алардан от жагуу үчүн газ баллон сурадык, бирок жооптун ордуна алардын арасындагы бир кыз бизди жаман сөздөр менен сөгүп баштады. Биздин компаниядагы бир кызды уруп жиберишти, мен жардам бергени аракет кылсам, балдардын бири чуркап келип мени бир нече жолу муштуму менен бетке урду. Мен эсимди жоготуп койдум. Натыйжада менин мээм чайкалган, мурдум, көзүмдүн уясы сынган, эки тишим түшүп, көзүм жаракат алган. Мен ооруканада 14 күн жаттым, алдыда татаал жана кымбат операциялар күтүп турат», — деп айтып берген кыз.

Анын айтымында, кол салган адам жазасын алуунун ордуна, эртеси күнү ооруканага жатып, дарыгерлерден ага «мээси чайкалган» деген диагноз коюп берүүнү суранган.

Шердор Абдыкапаров кол салган адам кармалганын, сот ага карата бөгөт коюу чарасын тандай турганын кошумчалады.

Булак: govori.tv