Ереван Тоолуу Карабахтын макамын калк өзү чечүүгө тийиш деп эсептейт.


Армениянын премьер-министри Никол Пашинян Тоолуу Карабахтагы жаңжалды тынч жол менен чечүү боюнча Азербайжан президенти Ильхам Алиев менен Москвада сүйлөшүү өткөрүүгө даяр. Пашинян бул позициясын ТАСС агенттигине берген маегинде билдиргенин Борбордук Азия жаңылыктар кызматы жазды.

Ереван Тоолуу Карабахтын макамын калк өзү чечүүгө тийиш деп эсептейт.

Ильхам Алиев да ТАСС агенттиги аркылуу жаңжалды жөнгө салуу үчүн сүйлөшүүлөргө даяр экенин айтты.

«Биз да тынчтыкты каалайбыз. Бирок Армениядан айырмаланып, мыйзам боюнча өзүбүзгө тиешелүү аймактын өзүбүздө калышын каалайбыз», — деди Алиев.

«Новая газета» басылмасы Тоолуу Карабах 729 армян аскери каза болгонун билдиргенин жазды. Азербайжан өз жоготуулары жөнүндө ачык маалымат бербейт: Алиев буга чейин курмандыктар жөнүндө маалымат согушук аракеттердин активдүү фазасы аяктагандан кийин жарыялана турганын айткан.

Булак: Азаттык