Vesti.kg менен болгон маегинде Уламалар кеңешинин мүчөсү Марс Ажы Ибраев муфтиятты ажылык маселелери боюнча коммерциялык иштерди жүргүзүү мүмкүнчүлүгүнөн ажыратуу боюнча сунуш киргизилгендигин айтты.
"Уламалар кеңешинин акыркы отурумунда биз муфтияттан ажылык сапарда соода иштерин жүргүзүү мүмкүнчүлүгүн алып салуу сунушун киргиздик" дейт Ибраев.
-Жаңы муфтий жана анын командасы жактыргандан кийин сунуш иштей баштайт. Муфтият квоталарды байкап турсун, келишимдерге кол койсун, жана бардык техникалык жана коммерциялык жумуштар башкалардын колунан келет. Учак билеттеринин акысы, зыяратчылардын жашаган жери - мунун бардыгын фирмалар, муфтияттын алдындагы бөлүм же башка орган көзөмөлдөшү керек. Каржы маселеси боюнча муфтият жооптуу болбошу керек, анткени мамлекеттик деңгээлдеги бардык чыр-чатактар жөн гана акчага байланыштуу болгон.
Уламалар кеңешинин мүчөсү бул чечим мамлекеттик органдардын жана элдин макулдугу менен кабыл алынышы керек деп белгилейт.
"Отурумда Уламалар Кеңешинин көптөгөн мүчөлөрү менин көз карашымда кошулушту" деди ал. - Жыйында диний маселелер боюнча комиссия иштеп, ал дагы бизди угуп, менимче, протоколго сунуштарын киргизди. Муфтияттан ажылыкты алып салыш керек, ошондо ДИБМКнын башчысынын аты таза болот.
Булак: vesti.kg