Кинорежиссер Болотбек Шамшиев акын-фронтчу Төлөн Шамшиев менен дарыгер Авина Мырзакожоеванын үй-бүлөсүндө туулган. Ал символикалуу түрдө 1941-жылы, кыргыз киносунун негизделген жылы туулган. Болотбек Шамшиев кийинчерээк «кыргыз киносунун кереметинин» негиздөөчүлөрүнүн бири болуп калды - бул кыргыз киносунун болуп көрбөгөндөй гүлдөп өнүгүшү жана ХХ кылымдын 60-80-жылдарында алдыңкы дүйнөлүк искусствонун деңгээлине көтөрүлүш доору болгон. Дал ошол жылдары дүйнө жүзү уникалдуу, заманбап жана жандуу кыргыз киносунун бар экендигин билишкен.

Болотбек Шамшиев кичинекей кезинен эле киного жакын болгон. Мектепте окуп жүргөн кездеринен баштап, Фрунзе көркөм жана кинохроникалык даректүү киностудиясында (азыркы «Кыргызфильм» киностудиясы) үн режиссерунун жардамчысы болуп иштеген. 1964-жылы ал эң абройлуу Бүткүл Союздук Мамлекеттик кинематография институтунун режиссердук бөлүмүн аяктаган, ал жерде Александр Згуридинин устаканасында окуган. Студент кезинде ал актер катары ийгиликтүү дебют жасап, Чыңгыз Айтматовдун «Төө көз» романынын негизинде тартылган Лариса Шепитьконун "Жылуулук" тасмасында башкы ролду ойногон.

Шамшиевдин дипломдук иши катары Саякбай Каралаевдин өмүр-чыгармачылыгын чагылдырган «Манасчы» илимий-популярдуу тасмасы Оберхаузенде (Германия) өткөн эл аралык абройлуу кинофестивалда Гран-приге ээ болгон. Анын кийинки «Караш ашуусундагы атышуу», «Ыссык-Көлдүн кызгалдактары», «Ак кеме», «Эрте келген турналар», «Снайперлер», «Фудзиямадагы кадыр түн», СССРдин кинопрокатынын чемпиону болгон «Бөрү зындан» тасмалары жогору бааланып, эларалык чоң ийгиликтерге жетишкен. Болотбек Шамшиев жараткан 11 тасманын ичинен Бүткүл союздук же эл аралык кинофестивалдардын лауреаты болбогон бир дагы фильм болгон эмес. Режиссер өзү да көптөгөн сыйлыктарга жана наамдарга ээ болгон (отуздан ашуун). Ал сыйлыктардын кээ бирлери:

• Кыргыз ССРинин эмгек сиңирген артисти

• Кыргыз ССРинин эл артисти

• СССРдин эл артисти

• Кыргызстан Ленин комсомолу сыйлыгынын лауреаты

• СССРдин Мамлекеттик сыйлыгынын лауреаты

• «Ардак Белгиси» ордени

• Элдердин достугу ордени

• 3-даражадагы «Манас» ордени

• 2-даражадагы «Манас» ордени

Болотбек Шамшиев кыргыз маданиятына бир гана кинотасмалары менен салым кошуу менен чектелген эмес. Ал 1989-1995-жылдары Кыргыз ССРинин Жогорку Кеңешинин, андан кийин - эгемендүү Кыргызстандын «легендарлуу парламентинин» депутаты болуп турганда маданияттын өнүгүү маселелерин активдүү көтөргөн. 1995-жылы Шамшиев «Ашхабаддан-Таласка чейин» аталышындагы Улуу Жибек Жолу боюнча 1000 чакырым аралыкка ат чабыштын долбоорун ойлоп таап, иштеп чыккан жана ошондой эле «Манас» эпосунун миң жылдык мааракесине арналган ачык асман алдындагы массалык театрлаштырылган оюн-зоок салтанатынын башкы режиссеру болгон. 1996-жылы Болотбек Шамшиев улуттук көк-бөрү оюнунун заманбап версиясын иштеп чыгып, андан тышкары бирдиктүү эрежелерди түзүп, ишке ашырган. Анын арты менен бул улуттук оюн эл аралык деңгээлге чыга алды. 1998-жылы досу жана кесиптеши Аскар Салымбеков менен биргеликте Көк-Бөрү федерациясын негиздеген. Болотбек Шамшиев өмүрүн көптөгөн жылдар бою Кыргызстанды ар кандай мамлекеттик кызматтарда кызмат өтөөгө арнап, Кыргыз Республикасынын Атайын жана Ыйгарым укуктуу Элчиси катары чет өлкөлөрдө өлкөнүн кызыкчылыгын коргоп келген. Болотбек Шамшиев өмүрүн көп жылдар бою ар кандай мамлекеттик кызматтарда Кыргызстанга кызмат кылууга арнады жана Кыргыз Республикасынын Атайын жана Ыйгарым укуктуу Элчиси катары чет мамлекетте өлкөнүн кызыкчылыгын коргоду.