Бүгүн, 16-январда Бишкектин Биринчи май райондук соту «Алтуха» каймана аты бар Алтынбек Ибраимовду үй камагына чыгарды. Бул маалыматты АКИpress агенттигине күч түзүмдөрүндөгү булактар билдирди.

Ал 2 ай үй камагында болот.

Бишкек шаарында «Алтуха» каймана аты бар уюшкан кылмыштуу топтун мүчөсү Алтынбек Ибраимов кармалганын 13-январда УКМКнын басма сөз кызматы билдирген.

УКМКнын маалыматына караганда, Ибраимов криминалдык чөйрөдөгү негизги фигуралардын бири.

«Кылмыштуу иштерге катыштыгы боюнча керектүү ыкчам тергөө иштери жүрүп жатат», - деп айтылат маалыматта.

Буга чейин Ибраимов ИИМге профилактикалык маектешүүгө чакырылган.

Булак: Баракелде