Бишкекте бүгүндөн баштап көмүрдүн тоннасы 4 миң сомдон сатылаарын “Кыргызкөмүр” мамлекеттик ишканасынын басма сөз катчысы Жийде Зоотбекова билдирди.

Ал белгилегендей, Кара-Кече кенинен чыккан көмүрдүн баасы 4 миң сомдон сатылат жана бир адамга эки тоннадан гана берилет.

“Бишкектин тургундары “Кыргызкөмүр” ишканасы тарабынан уюштурулган жайлардан таңкы саат 9:00дөн баштап арзан көмүр сатып ала алат. Арзан көмүр саткан жерлерде кызыл түстөгү баннерде жазуу турат”, - деди Зоотбекова.

4 миң сомдук көмүр төмөнкү даректерде сатылат:

1. Мурманский көчөсү, 126,

2. Айланма жол менен Алма-Ата көчөсүнүн кесилиши;

3. Айланма жол менен Киргизская көчөсүнүн кесилиши;

4. Достоевский көчөсү, 97.