Казакстандагы нааразычылык акциялары 2-январда Мангистау облусунда Жаңыөзөн шаарында батыш аймактарда көпчүлүк унаалар колдонгон суюлтулган газдын баасы кескин көтөрүлгөндөн кийин башталган.

Бүгүн, 5-январга караган түнү өлкөнүн башка шаарларында да нааразылык акциялары өттү. Анда миңдеген адамдар көчөгө чыгышты.

Казакстандын президенти Касым-Жомарт Токаев 5-январда саат 1:30дан 19-январдын түн жарымына чейин Алматы жана Мангистау облусуна өзгөчө абал киргизди.

Өзгөчө абалга карабай эл көчөгө чыгууда. Алардын талаптары:

- Азык-түлүктүн баасын арзандатуу;

- Күйүүчү-майлоочу майлардын баасын арзандатуу;

- Пенсия курагын 58/60 жашка чейин кыскартуу;

- Өкмөттү толук отставкага кетирүү;

- Демонстрацияда кармалгандардын баарын бошотуу;

- Карапайым калктын эмгек акысын көтөрүү;

- Улуттук компаниялардын бардык туунду компанияларын жоюу;

- Утилизациялык төлөмдү жокко чыгаруу; (Утильсбор - товарларды утилизациялоо үчүн бир жолку төлөм. Транспорт каражаттарын, ошондой эле атайын техника, чиркегичтерди импорттоочулар, өндүрүүчүлөр же сатып алуучулар мамлекетке төлөөчү акча);

- Казакстандык унаалар үчүн акы төлөнүүчү жолдорду жокко чыгаруу;

- Пенсиянын минималдуу өлчөмүн жогорулатуу;

- Балдарга жөлөкпулдарды көбөйтүү;

- Президент Касым-Жомарт Токаев менен жолугушуу, саясий талаптар.

Булак: Баракелде