Бишкектеги "Империя пицца" түйүндөрүнөн заказ кылынган сушилерден уулангандардын саны 118ге жеткени белгилүү болду. 

Маалыматка караганда:

- Темир жол ооруканасына 98 адам кайрылган;

- Шаардык балдар клиникалык тез жардам ооруканасына - 13;

- Чүй облустук бириккен ооруканасына - 2;

- Жайыл районунун жалпы дарыгерлик практика борборуна – 5.

Алардын ичинен стационардык дарылануу: темир жол ооруканасында - 10 адам, шаардык балдар ооруканасында - 13 бала. Алардын абалын дарыгерлер туруктуу деп баалап жатышат. Калган жабырлануучулар медициналык жардам көрсөтүлгөндөн кийин жашаган жери боюнча амбулатордук дарыланууга жөнөтүлгөн.

Учурда "Империя пиццанын" бардык филиалдары жабылды.