Экс-депутат Дамирбек Асылбек уулу депутаттыкка талапкерлигин коюуга БШКга арыз жолдогон. БШКнын маалыматына караганда, ал N35 Ак-Суу шайлоо округунан өзүн көрсөткөн. Ал арызды 11 -октябрда берген.
Эске салсак, Дамирбек Асылбек уулу 2018-жылы Казакстанда криминалдык коомду түзүү жана контрабанда үчүн айыпталып, кармалгып, он жылга эркинен ажыратылган. Экс -депутат менен бирге дагы 11 жоопко тартылган. Аларга "экономикалык контрабанда" жана Кытайдан Казакстанга жана Орусияга контрабанда жол менен товар ташыган деген "трансулуттук уюшкан топко" тиешеси бар деген айып тагылган.
2019 -жылы ал Кыргызстанга экстрадицияланып, СИЗО-1де отурган. Бир жыл мурда, 2020-жылдын августунда эркиндикке чыкканы маалым болгон.