Депутат Шайлообек Атазов парламенттин жыйынында Кыргызстандагы бокс боюнча курама командаларынын бардык тренерлери отставкага кетишкенин, а министр буга эмне себеп болгонуна кызыгып да койбогонун билдирди. 

Айтымында, маданият, маалымат, спорт жана жаштар министри Кайрат Иманалиев спорт чөйрөсүн түшүнбөйт. Ошондуктан, спортту Маданият министрлигинен бөлүп, өзүнчө министрлик кылуу керек, ошондо жыйынтыкка иштешет. 

"Эсиңиздерде болсо маданият министри спортту түшүнбөгөнүнүн айынан президенттен сөгүш алган", - деди Атазов. 

Ал эми анын парламенттеши, депутат Тазабек Икрамов да спорт көйгөйүн чечүү зарылдыгын белгиледи.