"Ташиев Ворух жөнүндө Кыргыз тарабынын сунушун гана айтты. Дүйнөлүк практикада жер алмашкан учурлар көп эле кездешет... Эгер, тажик тарап макул болбосо, анда ошентип эле айтып коюш керек, маданияттуу эле", - деген пикирин билдирди саясат талдоочу Алмазбек Акматалиев.
Эске салсак, УКМКнын төрагасы Камчыбек Ташиев кыргыз бийлигинин атынан тажик тарапка чек ара маселесин, анын ичинде Ворух анклавына тийиштүү көйгөйлөрдү чечүү сунушу менен кайрылган. Анын сунушу тажик тарапты катуу удургуга салып, генерал Зафари аркылуу жооп кайтарышты. Анда тажик генералы кыргыз бийлигин сынга алып, жеке адамдын өздүгүнө чейин асылган.