Депутат Нурлан Шакиев Талант Мамытовдун парламент спикерлигине талапкерлигин коюп жатканын жактырган жок.
"Акыркы жылдары парламенттин репутациясы плинтустан да ылдый түштү. Парламентке эмне деп гана ат коюшкан жок, театрга айланды: ушак, сатира баары ушунда болду. Бул жогорку трибуна эмнеге жогорку болбой калганына мурдагы спикерлер күнөөлүү. Сиздер спикер болгон кезде Жогорку Кеңештин кадыр-баркы ылдыйлап, президенттин администрациясына бардык укугун берип койгон. Бул силердин жоопкерчилигиңердеги нерсе. Аягына чейин туруп, укугуңарды бербешиңер керек болчу", - деди Шакиев.
Ал Мадумаров жана Текебаев спикер болуп турганда парламенттин деңгээли бийик болгонун белгиледи.
Ошондой эле, ал президенттин администрациясында иштегендердин айлыгы 1-ноябрдан тартып 2-3 эсеге көбөйгөнүн, ал эми парламент кызматкерлериникине бир сом да кошулбаганын билдирди.